ایم کیوایم کے تحت پاکستان کا 66 واں یومِ آزادی قومی جذبے اور شایان شان طریقے منایا گیا

تصاویر
کراچی ۔۔۔13، اگست2013ء

متحدہ قومی موومنٹ کے زیر اہتمام پاکستان کے66واں یومِ آزادی قومی جذبے اورشایانِ شان طریقے سے منایاگیااوراس سلسلے میں کراچی سمیت ملک بھرمیںیومِ آزادی کی پررونق تقریبات منعقدکی گئی جس میں قومی ترانہ پڑھاگیااورملی نغمے گائیں اوربجائے گئے اورآتش بازی کی گئی۔تفصیلات کے مطابق ایم کیوایم کے تحت پاکستان کا66واں یوم آزادی قومی جوش وجذبے کے ساتھ شایانِ شان طریقے سے منایاگیا اس سلسلے میں ملک بھرمیں قائم ایم کیوایم کے مرکزی،صوبائی،ضلعی،زونل اورڈسٹرکٹ دفاترسمیت سیکٹراوریونٹوں میں کارکنان کی جانب سے یومِ آزادی کی تقریبات منعقدکی گئی اس سلسلے کی مرکزی تقریب ایم کیو ایم کے مرکز نائن زیرو سے متصل تاریخی جناح گراؤنڈ عزیزآباد میں منعقدہوئی جس میں ہزاروں کی تعدادمیں حق پرست عوام نے ازخودشرکت کی اوریک زبان ہوکرقومی ترانہ پڑھا۔ اس موقع پر رابطہ کمیٹی کے ارکان،حق پرست اراکین سینیٹ، قومی وصوبائی،ایم کیوایم کے شعبہ جات کے ذمہ داران وکارکنان سمیت فنکاروں، گلوکاروں اورمختلف شعبہ ہائے زندگی سے تعلق رکھنے والی شخصیات بہت بڑی تعدادموجودتھی،یوم آزادی کی تقریب میں خواتین اوربچوں کی تعداد غیر معمولی تھی جو ہاتھوں میں قومی پرچم تھامے جناح گراؤنڈ آرہے تھے۔جناح گراؤنڈ عزیزآباد میں ایم کیوایم کی جانب سے پاکستان کے 66ویں یومِ آزادی کی عظیم الشان تقریب کے سلسلے میں غیرمعمولی انتظامات کیے گئے اوراس سلسلے میں جناح گراؤنڈمیں بڑااسٹیج بنایا گیا تھا جبکہ سامنے کی جانب شرکاء کیلئے فرشی نشستوں کااہتمام تھا، اسٹیج کے عقب میں بڑی ڈیجیٹل اسکرین لگائی گئی تھی جبکہ اسکرین کے دائیں جانب بانی پاکستان محمدعلی جناحؒ اور دائیں جانب بانی و قائدجناب الطاف حسین کی تصاویر نمایاں تھی۔ تقریب کا آغاز ٹھیک رات 12بجے قومی ترانے سے ہوااس موقع پرجناح گراؤنڈ کے وسیع وعریض پنڈال میں موجودہزاروں شرکاء نے اپنی نشستوں سے کھڑے ہوگئے اور یک زبان ہوقومی ترانہ پڑھا اس موقع پرجناح گراؤنڈ میں چاراطراف قومی پرچموں بہار نظرآئی۔ بعد ازاں آتش بازی کا خوبصورت مظاہرہ کیا گیا جس کاسلسلہ کافی دیرتک جاری رہااورجوعوام کی توجہ کامرکزبنارہااس موقع پر جناح گراؤنڈ اور عزیزآباد کے قرب وجوارکی فضاء رنگین ہوگئی۔ تقریب میں میزبانی کے فرائض بین الاقوامی شہرت یافتہ مشہورومعروف فنکارعمرشریف نے انجام دیئے ۔عمرشریف نے تقریب کی میزبانی کرتے ہوئے کہاکہ جناح گراؤنڈعزیزآبادمیں پاکستان کے 66 ویں یوم آزادی کے سلسلے میں منعقدہ آج کی یہ پروقارتقریب قائد تحریک جناب الطاف حسین کے سوچ وفکرکی عکاسی ہے جوجناح گراؤنڈ عزیز آباد میں قومی پرچموں کی صورت میں نظر آرہی ہے یہی سبز ہلالی جھنڈا اٹھا کر ہمارے آباؤ اجداد نے پاکستان بچایا تھا اور آج 66یومِ آزادی کے موقع پر یہی جھنڈا اٹھائے ہم پاکستان کوبچانے کیلئے الطاف حسین کی عملی جدوجہدمیں ان کے شانہ بشانہ ہیں۔انہوں نے قائدتحریک جناب الطاف حسین کوپاکستان کے66 یوم آزادی کی مبارکباد پیش کرتے ہوئے کہاکہ پاکستان بچانے والوں میں قائد تحریک جناب الطاف حسین کاکردارکی بہت اہم ہے۔ تقریب میں معروف گلوکار فردی خان ،سلیم جاوید ، حسن جہانگیر ، افراہیم ،نعیم عباس روفی، شبانہ کوثر اور شازیہ کوثر ، فیصل سعود ، سلیم آفریدی اور دیگر فنکارنے ملی وقومی نغمے گائیں گے اور اپنے فن کا مظاہرہ کیا۔