دہشت گرد خوف و ہراس کی فضاء قائم کرنے کیلئے پولیس و دیگر قانون نافذ کرنیوالے اداروں اور شہریوں کو نشانہ بنا رہے ہیں

کراچی:۔۔۔10، اگست2013ء

متحدہ قومی موومنٹ کی رابطہ کمیٹی نے صوبہ سندھ کے شہرٹنڈوآغامیں موٹرسائیکل سوارمسلح دہشت گردوں کی جانب سے ناراجیل حیدرآباد کے اسسٹنٹ سپرنٹنڈنٹ نعیم غوری کو فائرنگ کرکے ہلاک کرنے کے واقعے کی سخت ترین الفاظ میں مذمت کی ہے اوراسے کھلی دہشت گردی قراردیتے ہوئے حکومت سندھ سے مطالبہ کیاہے کہ نعیم غوری کے قتل میں ملوث دہشت گردوں کوگرفتارکرکے عبرتناک سزادی جائے۔ مذمتی بیان میں رابطہ کمیٹی نے کہاکہ ملک دشمن مسلح دہشت گرد خوف وہراس کی فضاء قائم کرنے کیلئے سازشوں کے تحت پولیس ودیگرقانون نافذکرنے والے اداروں کے اہلکاروں سمیت اہم شخصیات اور شہریوں کومسلسل دہشت گردی کانشانہ بنارہے ہیں اورنعیم غوری کاقتل بھی اسی سلسلے کی کڑی ہے جس کی جتنی بھی مذمت کی جائے کم ہے۔رابطہ کمیٹی نے دہشت گردی کانشانہ بننے والے نعیم غوری کے تمام سوگوارلواحقین سے دلی تعزیت وہمدردی کااظہارکرتے ہوئے دعاکی کہ اللہ تعالیٰ مقتول کواپنی جواررحمت میں اعلیٰ مقام عطا فرمائے اورسوگوارلواحقین کوصبرجمیل عطافرمائے۔(آمین)