لاہورمیں فیکٹری کی چھت گرنے کے حادثے میں متعددمزدوروں کے ہلاک وزخمی ہونے پر ایم کیوایم رابطہ کمیٹی کااظہارافسوس

کراچی :۔۔۔4؍نومبر2015

متحدہ قومی موومنٹ کی رابطہ کمیٹی نے لاہورمیں شاپنگ بیگ بنانے والی فیکٹری کی چھت گرنے کے افسوسناک حادثے میں ملبے تلے دب کرمتعددمزدوروں کے ہلاک وزخمی ہونے پر گہرے رنج وغم کا اظہارکیاہے اورمطالبہ کیاہے کہ جاں بحق اورزخمی ہونے والے مزدوروں کومعاوضہ اداکیاجائے اورواقعہ کی غیرجانبدارانہ تحقیقات کرکے ذمہ دارافرادکے خلاف قانون کے مطابق کارروائی کی جائے۔ ایک بیان میں رابطہ کمیٹی نے جاں بحق مزدوروں کے سوگوارلواحقین سے دلی تعزیت وہمدردی کااظہارکرتے ہوئے انہیں صبرکی تلقین کی اورکہاکہ دکھ اورافسوس کی گھڑی میں ایم کیوایم ان کے ساتھ ہے۔رابطہ کمیٹی نے دعاکی اللہ تعالیٰ حادثے کاشکارہونیو الے تمام محنت کشوں کواپنی جواررحمت میں اعلیٰ مقام عطافرمائے ۔رابطہ کمیٹی نے زخمیوں سے دلی ہمدردی کااظہارکرتے ہوئے ان کی جلدومکمل صحت یابی کے لئے بھی دعاکی اور کہاکہ وزیراعلیٰ پنجاب شہبازشریف اورحکومت افسوسناک واقعہ کافوری نوٹس لیتے ہوئے ملبے تلے دبے افرادکونکالنے کے لئے ہنگامی بنیادوں پراقدامات کریں۔