اسلامی جمعیت طلبہ کی جانب سے ڈاکٹر انصر رضوی پرلگائے گئے الزامات افسوسناک ہیں، چےئرمین اے پی ایم ایس او
طالبات پر جمعیت کے ٹھنڈر اسکوڈ نے تشدد کیا تھا،ملوث عناصر کو بچانے کیلئے ڈاکٹر انصر رضوی پر الزام لگائے جارہے ہیں
آل پاکستان متحد ہ اسٹوڈینٹس آرگنائزیشن کے چےئر مین سرفراز احمد کی انصر رضوی پرجھوٹے الزامات کی مذمت
کراچی ۔۔۔4اکتوبر2015ء
آل پاکستان متحدہ اسٹوڈنٹس آرگنائزیشن کے چےئر مین سرفراز احمد نے اسلامی جمعیت طلبہ کی جانب سے جامعہ کراچی کے اسٹوڈنٹس ایڈوائزر ڈاکٹر انصررضوی پر صحافیوں پرتشدد کروانے کے الزام کی سخت الفاظ میں مذمت کرتے ہوئے الزام کو افسوسناک قرار دیاہے۔ایک بیان میں انہوں نے کہا کہ گزشتہ دنوں جامعہ کراچی میں طالبات کو کرکٹ کھیلنے پر اسلامی جمعیت طلبہ کے ٹھنڈر اسکوڈ کی جانب سے تشدد کا نشانہ بنا یا گیا جس کے بعد جامعہ کراچی میں خوف کی فضاء قائم ہوگئی تھی اور اس خوف کو ختم کرنے کیلئے ڈاکٹر انصر رضوی نے اپنا بھر پور کر دار ادا کیا ہے ، انہوں نے کہاکہ ایسا محسوس یہ ہوتا ہے کہ کچھ لوگ طالبات پر تشدد کرنے والے عناصر کو بچانے کیلئے ڈاکٹر انصر رضوی پر الزامات لگائے جارہے ہیں ۔