متحدہ قومی موومنٹ برطانیہ کے زیر اہتمام لندن میں دعوت افطار کا اہتمام

لندن:۔ ۔۔6، اگست2013ء 

متحدہ قومی موومنٹ برطانیہ کے زیراہتمام لندن میں دعوت افطارکااہتمام کیاگیا جس میں ایسٹ لندن ،ساؤتھ ہال،ویسٹ لندن،ٹوٹنگ دیمیلے، سلاؤ، ایجویئر یونٹس کے کارکنان نے شرکت کی۔ اس موقع پرکارکنان سے خطاب کرتے ہوئے رابطہ کمیٹی کے رکن طارق جاویدنے کہا کہ ماضی میں بھی قائد تحریک جناب الطاف حسین اورایم کیوایم کے خلاف سازشیں کی گئیں اورآج بھی یہ سلسلہ جاری ہے لہٰذاجس طرح ماضی میں کارکنان نے اپنے عمل سے ان سازشوں کوناکام بنایاآج بھی تمام کارکنان پریہ ذمہ داری عائدہوتی ہے کہ وہ ان تمام ترسازشی ہتھکنڈوں کوناکام بنانے کیلئے عملی طورپرکام کریں اورکسی بھی قسم کی منفی پروپگنڈہ کاشکارنہ ہوں۔انہوں نے تمام ذمہ داران وکارکنان پرزوردیاکہ وہ ماضی کی طرح آج بھی اپنی قیادت پرپختہ اعتمادرکھتے ہوئے تحریکی کام کوآگے بڑھائیں۔انہوں نے مزید کہا کہ قائد تحریک جناب الطاف حسین تحریک کے ابتدائی دنوں سے ہی مصائب برداشت کرتے چلے آرہے ہیں۔3فروری1981ء کوجامعہ کراچی میں اسلامی جمعیت طلبہ کے دہشتگردوں نے الطاف حسین سمیت اے پی ایم ایس اوکے تمام کارکنان پرحملہ کرکے انہیں جامعہ کراچی سے بدر کردیا جس کا نتیجہ ایم کیوایم کی صورت میں نکلااورجب ایم کیوایم پر19،جون کو1992ء کوفوجی آپریشن کیا گیا تواس کا نتیجہ متحدہ قومی موومنٹ کی شکل میں برآمدہوااورتحریک کاپیغام پورے ملک میں پھیل گیا لہٰذا تمام کارکنان اس بات پرپختہ یقین رکھیں کہ ایم کیوایم اورجناب الطاف حسین کے خلاف کتنی ہی سازشیں کیوں نہ کی جائیں تحریک کا کام پوری دنیا میں تیزی سے پھیلے گا۔دعوت افطارسے ایم کیوایم یوکے کے آرگنائزر ڈاکٹر سلیم دانش نے خطاب کرتے ہوئے کہا کہ ایم کیوایم برطانیہ کے کارکنان قائد تحریک الطاف حسین کے خلاف کی جانے والی سازشوں کوناکام بنانے کیلئے اپنابھرپورکرداراداکرتے رہیں گے۔دعوت افطارکے موقع پر اراکین یوکے آرگنائزنگ کمیٹی سہیل خانزادہ، عبدالحلیم، ہاشم اعظم، آصف جمیل اور وزارت رضوی بھی موجود تھے۔