قائد تحریک جناب الطاف حسین کی ہدایت پر کراچی میں حالیہ بارشوں اور سیلابی پانی سے متاثرہ عوام کی امداد کا سلسلہ جاری

کراچی ۔۔6، اگست2013ء

متحدہ قومی موومنٹ کے قائدجناب الطاف حسین کی ہدایت پرکراچی میں حالیہ بارشوں اورسیلابی پانی سے متاثرہ عوام کی امدادکاسلسلہ جاری ہے اوراس سلسلے کو مزید جاری رکھتے ہوئے حق پرست ارکان اسمبلی عبدالوسیم اورشیخ عبداللہ نے منگل کے روزسرجانی ٹاؤن میں طوفانی بارش سے متاثرہ ایک ہزار خاندانوں میں ایک ٹرک امدادی راشن تقسیم کیا۔امدادی سامان میں آٹا، چاول، دالیں، گھی، شکر، نمک، مصالحہ جات، مرچیں، بیسن، چائے کی پتی، خشک دودھ اوربچوں کیلئے دودھ اوربسکٹ سمیت صابن، برتن، روزمرہ استعمال کی دیگراشیاء شامل ہیں۔ اس موقع پرانہوں نے متاثرین سے گفتگوکرتے ہوئے انہیںیقین دلایا کہ متحدہ قومی موومنٹ عوام کے دکھ درد اورمشکلات میں ہمہ وقت ساتھ ہے اوروہ اپنے عوام کوتنہاء نہیں چھوڑیگی۔اس موقع پرمتاثرین نے خدمت خلق فاؤنڈیشن کی جانب سے بروقت امدادی راشن کی فراہمی پرجناب الطاف حسین کاشکریہ اداکیااوران کے حق میں دعائیں کیں۔

دریں اثناء ایم کیوایم کی رابطہ کمیٹی کے رکن احمدسلیم صدیقی نے کراچی تنظیمی کمیٹی کے ارکان اورایم کیوایم کے دیگرذمہ داران کے ہمراہ خدمت خلق فاؤنڈیشن کی جانب سے اورایم کیوایم میڈیکل ایڈکمیٹی کے زیراہتمام سرجانی میں بارشوں سے متاثرہ عوام کوطبّی سہولیات کی فراہمی کیلئے لگائے گئے طبّی کیمپ کادورہ کیا اورمتاثرین کو فراہم کی جانے والی سہولیات کابغورجائزہ لیا۔انہوں نے ڈیوٹی پر مامورڈاکٹرزاورپیرا میڈیکل کے ارکان سے معلومات حاصل کی اور انہیں شہریوں کو زیادہ سے زیادہ طبّی سہولیات فراہم کی ہدایت کی۔اس موقع پرڈاکٹرزنے انہیں بتایا کہ طبّی کیمپ میں بلڈ پریشر ،بخار،نزالہ،کھانسی،پیٹ کے امراض،سینے کی جلن اور آنکھوں کی سوزش سمیت دیگروبائی امراض کے علاج کی سہولیات مفت فراہم کی جارہی ہیں جہاں مختلف امراض میں مبتلابزرگ،نوجوان،خواتین اوربچوں نے ازخود کیمپ پہنچ کرخدمت خلق فاؤنڈیشن کی طبّی سہولیات سے استعفادہ کررہے ہیں۔