ایم کیو ایم کی جانب سے لال قلعہ گراؤنڈ عزیز آباد میں بلدیاتی امیدواران کے انٹرویز کا سلسلہ جاری ہے

کراچی ۔۔۔ 01 اکتوبر 2015ء

حالیہ بلدیاتی انتخابات برائے سال 2015ء کے سلسلے میں متحدہ قومی موومنٹ کی جانب سے حق پرست بلدیاتی امیدواران کے انٹرویوز کئے جارہے ہیں۔ ایم کیو ایم سینٹرل ایگزیکٹیو کونسل کے اراکین نے حق پرست بلدیاتی امیدواران کے کوائف کی جانچ کی اور انٹرویوز کررہے ہیں اور میرٹ پر پورا اترنے والے بلدیاتی امیدواران کی فہرستیں مرتب کررہے ہیں۔لال قلعہ گراؤنڈ عزیزآباد میں متحدہ قومی موومنٹ کی رابطہ کمیٹی کے اراکین عبدالحسیب،امین الحق،عارف خان ایڈووکیٹ، عبدلقادر خانزادہ، مطیع الرحمن، اقبال مقدم،کمال ملک،رضوان بابر، ریحانہ نسرین اور رزین مجید نے نامزد کئے گئے بلدیاتی امیدواران کے انٹریوز لئے اور بلدیاتی امیدواران کی فہرست کو حتمی شکل دی۔