جناب الطاف حسین کی 62 ویں سالگرہ کے سلسلے میں 16 اور 17 ستمبر کی درمیانی شب بڑی تعداد میں عوام کی نائن زیرو آمد
جناب الطاف حسین کیلئے مختلف تنظیمی کمیٹیوں، یونٹوں اور عوام نے گلدستے پیش کئے اور کیک کاٹے
کراچی۔۔۔17ستمبر2015ء
ایم کیوا یم کے قائد جناب الطاف حسین کی 62ویں سالگرہ کے سلسلے میں 16اور17ستمبر کی درمیانی شب ایم کیوا یم کی رابطہ کمیٹی کے ڈپٹی کنوینرز کہف الوریٰ، اراکین رابطہ کمیٹی ، سابق ارکان سینیٹ ، قومی وصوبائی ، تنظیمی شعبہ جات کے ارکان ، سیکٹرز و یونٹس کے کارکنان اور عوام،بچوں اور بچیوں نے بڑی تعدادنے جمع ہوکر جناب الطاف حسین کو سالگرہ کی دلی مبارک باد پیش کی ۔اس موقع پر اے پی ایم ایس او ، لیبر ڈویژن ، شعبہ خواتین، ایلڈرز ونگ ، پنجابی سرائیکی ، بلوچستان ، خیبر پختونخوا، پنجاب ، اندرون سندھ ، اقلیتی امور کمیٹی سمیت مختلف کمیٹیوں کے ارکان اور یونٹس کے کارکنان و عوام نے جناب الطاف حسین کے اپنی جانب سے گلدستے اورکیک پیش کئے ۔اس موقع پر شرکاء سے جناب الطاف حسین نے بذریعہ ٹیلی فون لندن سے خطاب کیا ۔ اس موقع پر کارکنان نے جناب الطاف حسین سے اپنی والہانہ عقیدت کیلئے سالگرہ کے موقع پر گائے جانے والے مشہور زمانہ گیت گنگنائے اور جناب الطاف حسین سے اپنی وفاداری کے عہد کی تجدید کی۔
واضح رہے کہ جناب الطاف حسین کی 62ویں سالگر ہ کا مرکزی اجتماع 17ستمبر2015ء ، جمعرات کی سہ پہر 3بجے جناح گراؤنڈ ،عزیز آباد میں منعقد کیا جائے گا، جلسے میں ڈاکٹرز، انجینئرز، وکلاء ، اساتذہ کرام ، طلباء و طالبات سمیت تمام مکاتب فکر سے تعلق رکھنے والے افراد کو شرکت کی دعوت دی گئی ہے ۔