رمضان المبارک میں ایم کیوایم کا نام استعمال کرکے زور زبردستی زکوٰۃ اور فطرہ وصول کرنے پر ایم کیوایم رابطہ کمیٹی کااظہار مذمت

کراچی ۔۔۔24 ، جولائی2013ء 

متحدہ قومی موومنٹ کی رابطہ کمیٹی نے رمضان المبارک میں ایم کیوایم کا نام استعمال کرکے زور زبردستی زکوٰۃ اور فطرہ وصولی کی سخت ترین الفاظ میں مذمت کی ہے اورمخیر حضرت اور عوام سے اپیل کی ہے کہ وہ ایم کیوایم کے فلاحی ادارے خدمت خلق فاؤنڈیشن کی رسید کے بغیر کسی بھی شخص کو زکوٰۃ اور فطرہ ہرگز نہ دیں۔ اپنے ایک بیان میں رابطہ کمیٹی نے کہاکہ ایم کیوایم نے ہر قسم کے چندے پر پابندی عائد کررکھی ہے تاہم رمضان المبارک کے مقدس مہینے میں مستحق ، غریب ، نادار اور یتیم افراد کی امداد کیلئے خدمت خلق فاؤنڈیشن کے رضاکار ذکوۃ اور فطرہ رضاکارانہ طور پر جمع کرتے ہیں اور انہیں باقاعدہ رسیدیں دی جاتی ہیں۔ رابطہ کمیٹی نے کہا کہ یہ امر انتہائی افسوس ناک ہے کہ بعض شرپسند اور ایم کیوایم دشمن عناصر رمضان المبارک کے مہینے میں ایم کیوایم کا نام استعمال کررہے ہیں اور زبردستی زکوۃ اور فطرہ وصول کررہے ہیں جس کی جتنی بھی مذمت کی جائے وہ کم ہے ۔ رابطہ کمیٹی نے مخیرحضرات اور عوام سے اپیل کی کہ وہ ایم کیوایم کے نام پرزبردستی زکوٰۃ اور فطرہ وصول کرنے والے عناصر سے ہوشیار رہیں اور اس کی اطلاع ایم کیوایم کے مرکز نائن زیرو عزیز آباد میں بنائے گئے شکایتی ٹیلی فون نمبر021-36808387پر دیں تاکہ ایسے عناصر کے خلاف فی الفور قانونی کارروائی کی جاسکے ۔