ایم کیو ایم رابطہ کمیٹی کے رکن شبیر احمد قائم خانی کی زیرصدارت پنجاب ہاؤس لاہور میں اجلاس
’’شہید بیداری پنجاب ‘‘ بیگم طاہرہ آصف شہید کی پہلی برسی کے انتظامات اور پنجاب میں بلدیاتی الیکشن ، تنظیمی و تحریکی معاملات کا بغور جائزہ لیا گیا
لاہور۔۔۔۔27 جون 2015
متحدہ قومی موومنٹ رابطہ کمیٹی کے رکن شبیر احمد قائم خانی کی زیرصدارت پنجاب ہاؤس لاہور میں اجلاس منعقدکیاگیا جس میں صوبائی تنظیمی کمیٹی پنجاب کے انچارج ارشاد احمد ظفیر ، رکن فیصل فجاج ڈار ،حق پرست سینیٹر و صدر پنجاب میاں عتیق، اراکین ایڈہاک کمیٹی منیر احمد ، میاں راشد ، ڈاکٹر ایم آر رحمن رانا، پروفیسر کریم خان ثاقب ، عذرا مہب ، سوشل فورم کے انچارج ڈاکٹر افتخار بخاری ، صدر شعبہ خواتین سلمیٰ منیر ، رانا اشرف ایڈووکیٹ ، ملک وسیم کھوکھر، عابد شریف ، افضال حسین نقوی ، حارث خان کاکڑ ، شوکت شاہ ، مرزا عمر عارف ، اقبال انصاری اور بابر ملک سمیت دیگرذمہ داران و کارکنان کی کثیر تعداد نے شرکت کی ۔اجلاس میں ’’شہید بیداری پنجاب‘‘ بیگم طاہرہ آصف شہید کی پہلی برسی کے انتظامات کو حتمی شکل دی گئی اور کمیٹیاں تشکیل دی گئیں۔ بعدازاں پنجاب میں بلدیاتی الیکشن کے حوالے سے لاہور سمیت سینٹرل پنجاب کے دیگر اضلاع کی کارکردگی کا جائزہ لیا گیا اور تحریکی و تنظیمی معاملات میں مزید بہتری کیلئے مشاورت کی گئی ۔