ایم کیوایم کی رابطہ کمیٹی کا شہر میں دس سے زائد مقامات پر قائم خدمت خلق فاؤنڈیشن کے ہیٹ اسٹروک ریلیف کیمپوں کا دورہ

کراچی:۔۔۔23؍جون2015ء
تصاویر

متحدہ قومی موومنٹ کی رابطہ کمیٹی کے ارکان سیدحیدرعباس رضوی اوروسیم اخترنے وفدکے ہمراہ قائدتحریک الطاف حسین کی ہدایت پرخدمت خلق فاؤنڈیشن کے تحت شہر کے مختلف علاقوں میں قائم کیے گئے ہیٹ اسٹروک ریلیف کیمپوں کادورہ کیااورمتاثرہ شہریوں کوطبّی سہولیات کی فراہمی کاجائزہ لیا۔ اس موقع پرخدمت خلق فاؤنڈیشن کے زیر اہتمام دس مقامات پرہیٹ اسٹروک ریلیف سینٹرقائم کردیئے گئے ہیں جن میں تاج محل بینکوئٹ نزدنارتھ کراچی 4-Kچورنگی،CMAلان نزدکمپری ہینسو اسکول فیڈرل بی ایریا، روشن لان سرجانی ٹاؤن، (Bride Groom)برائٹ گروم لان گلستان جوہر،بہادر آباد لان، نذیرحسین میڈیکل کمپلیکس دستگیر،خورشیدبیگم سینٹرپاک کالونی،خورشیدبیگم ڈسپنسری اورنگ آباد ،خداکی بستی اسپتال سرجانی ٹاؤن میں شدیدگرمی کے متاثرین بزرگ،خواتین،نوجوان،بچے اوربچیوں کی بڑی تعداد کو ہنگامی بنیادوں پر طبّی امدادوسہولیات فراہم کی جارہی ہیں جبکہ متاثرہ علاقوں میں30سے زائد خدمت خلق فاؤنڈیشن کی ایمبولینس سروس کے ذریعے رضاکاراوآرایس،منرل واٹر اوردیگرطبّی سہولیات کی فراہمی پرمامورہیں۔ہیٹ اسٹروک ریلیف کیمپس کے دورے کے موقع پر رابطہ کمیٹی کے ارکان نے امدادی سرگرمیوں کاجائزہ لیا اورفرداًفرداًمتاثرین سے ملاقات کرکے ان کی خیریت دریافت کی اورانہیں خدمت خلق فاؤنڈیشن کی جانب سے ہرممکن تعاون کی مکمل یقین دہانی کرائی۔اس موقع پرمتاثرین نے بروقت طبّی سہولیات اورامدادکی فراہمی پرقائد تحریک جناب الطاف حسین اورخدمت خلق فاؤنڈیشن کاتہہ دل سے شکریہ اداکیااورکہاکہ شہرمیں ایسے حالات میں جب لوگ شدید گرمی اور پانی وبجلی کی بنیادی سہولیات سے محروم ہوکرمررہے ہیں ایسے حالات میں حکومت کا رویہ مایوس کن ہے۔انہوں نے کہاکہ چند روزمیں شہرمیں1200سے زائد اموات ہوچکی ہیں تاہم سندھ حکومت کہیں نہیں دکھائی دے رہی ہے۔انہوں نے قائدتحریک جناب الطاف حسین کی ہدایت پرہیٹ اسٹروک ریلیف سینٹرمیں بلامعاوضہ طبّی سہولیات وادویات کی فراہمی پرقائدتحریک الطاف حسین اورخدمت خلق فاؤنڈیشن کا شکریہ اداکیااوران کے حق میں دعائیں کیں۔ ایم کیوایم کے وفدمیں حق پرست رکن سندھ اسمبلی وسیم قریشی،ایم کیوایم میڈیکل ایڈ کمیٹی کے ارکان اوردیگرذمہ داران بھی شامل تھے۔