جناب الطاف حسین کی جانب سے لیاری سے نقل مکانی کرنے والے کچھی برادری کے متاثرہ خاندانوں کیلئے افطار ڈنر کا اہتمام کیا جائیگا

کراچی :۔۔۔15، جولائی2013ء

متحدہ قومی موومنٹ کے قائدجناب الطاف حسین کی جانب سے خدمت خلق فاؤنڈیشن کے زیر اہتمام کھوکھرا پارE-1، نزد مہران ہوٹل ملیر میں لیاری سے نقل مکانی کرنے والے کچھی برادری سے تعلق رکھنے والے خاندانوں کیلئے افطار ڈنر کا اہتمام کیاگیا۔ تفصیلات کے مطابق گینگ وارکے دہشت گردوں کے مظالم سے تنگ آکرحالیہ دنوں میں لیاری سے ملیرنقل مکانی کرکے جانے والے کچھی برادری سے تعلق رکھنے والے افراد سینکڑوں افرادکیلئے متحدہ قومی موومنٹ کے قائدجناب الطاف حسین کی ہدایت پرخدمت خلق فاؤنڈیشن کی جانب سے افطار ڈنر کا اہتمام کیا گیا۔ افطارڈنر میں ایم کیو ایم کی رابطہ کمیٹی کے ارکان حق پرست ارکان پارلیمنٹرین ، مختلف شعبہ ہائے زندگی سے تعلق رکھنے والی شخصیات اور معززین شرکت کریں گے۔ جبکہ ایم کیوایم میڈیکل ایڈکمیٹی کے تعاون سے خدمت خلق فاؤنڈیشن کے زیراہتمام متاثرین کو طبّی سہولیات کی فراہمی کیلئے مفت طبّی کیمپ کابھی انعقادکیاجارہاہے جہاں مختلف امراض کے ماہر ڈاکٹرز ،پیرامیڈیکل اسٹاف کے ارکان کے ہمراہ مریضوں کاطبّی معائنہ کریں گے اورانہیں مفت ادویات فراہم کریں گے۔طبّی کیمپ صبح سے شام 5بجے تک کام کریگا۔