قائدتحریک الطاف حسین کے خلاف سازشیں کرنیوالوں کے نام
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بازیگرانِ دہر کی بازی گری کی خیر
سوداگرانِ عقل کی سوداگری کی خیر
تیرے ستم سے اور بڑھا جذبہء جنوں
اے دشمنِ عزیز تری دشمنی کی خیر
دامن پہ بات ہو تو گریباں کسے عزیز
اہلِ جنوں کے جذبہء دیوانگی کی خیر
کب تک رہیں گے نالہء و فریاد بے اثر
محرومیوں کی ، صبر کی ، بیگانگی کی خیر
پیدا ہر ایک قطرہء خوں سے ہوا جنوں
اے دستِ قاتلاں تری غارتگری کی خیر
کب جسم و جاں کی موت سے مٹ پائی فکرِ حق
مرنے سے بے نیاز ہو اس زندگی کی خیر
ملتی ہے جس سے علم وشعور و نظر کی مئے
سچ کا نشہ ہے جس میں اسی مئے کشی کی خیر
جس نے بتادیا ہے ہمیں مقصدِ حیات
جو رہنمائے قوم ہے اس رہبری کی خیر
قرباں ہے جس کے نام پہ یہ جانِ مصطفےٰؔ
جو مقصدِ حیات ہے اس عاشقی کی خیر
مصطفےٰؔ عزیزآبادی
لندن
14جولائی 2013ء