سابق رکن سندھ اسمبلی رشید بھیا کے بھائی اور کراچی تنظیمی کمیٹی کے انچارج ڈاکٹر ندیم احسان کے چچا کے انتقال پر الطاف حسین کا اظہار افسوس
لندن۔۔۔14، جولائی2013ء
متحدہ قومی موومنٹ کے قائد جناب الطاف حسین نے سابق حق پرست رکن سندھ اسمبلی و ایم کیوایم الیکشن سیل کے رکن رشید بھیا کے بھائی شکیل احمد اور ایم کیوایم کراچی تنظیمی کمیٹی کے انچارج ڈاکٹر ندیم احسان کے چچا اکرام احمدکے انتقال پر گہرے دکھ اور افسوس کا اظہار کیا ہے ۔ ایک تعزیتی بیان میں انہوں نے مرحومین کے سوگوار لواحقین سے دلی تعزیت وہمدردی کااظہار کرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں۔ انہوں نے دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے ۔ (آمین)