کراچی کے مختلف چرچ اور گردوارہ میں قائد تحریک جناب الطاف حسین کی صحت و سلامتی کیلئے دعائیہ اجتماعات کا انعقاد

کراچی:۔۔14؍ جولائی 2013ء 

کراچی کے مختلف علاقوں کے چرچ اور گردوارہ میں قائد تحریک جناب الطاف حسین کی سلامتی اور تحفظ کیلئے گزشتہ روز دعائیہ اجتماعات منعقد ہوئے۔ یہ دعائیہ اجتماعات کورنگی کے علاقے جوزف گِل ٹاؤن اسکول ، نعمت کالونی عزیز آباد میں واقع کرائسٹ گاسپل چرچ اور آدم گوٹھ ہندو کالونی گڈاپ ٹاؤن میں واقع گردوارہ گرو نانک صاحب سکھ سبھا میں منعقد ہوئے جن میں پاسٹر روبن راز ، یونس مسیح ، ڈیوڈ غلام، یوسف جان اور پردھان سردار دھونی نے قائد تحریک جناب الطاف حسین کی خیر وعافیت، صحت و سلامتی، درازی عمر کیلئے خصوصی دعائیں کرائیں ۔ دعائیہ اجتماعات میں ایم کیو ایم اقلیتی امور کمیٹی کے جوائنٹ انچارج پطرس مسیح واراکین ،حق پرست ارکان سندھ اسمبلی رشید خان اور عارف بھٹی کے علاوہ مسیح اور سکھ برادری سے تعلق رکھنے والی ماؤں،بہنوں، بزرگوں اورکارکنان نے بڑی تعداد میں شرکت کی ۔