جرائم پیشہ عناصرکی جانب سے لیاری ،آگرہ تاج کالونی اوردیگر علاقوں میں کچھی برادری کودہشت گردیکا نشانہ بناناقابل مذمت ہے ۔ حق پرست سینیٹرز متحدہ قومی موومنٹ

کراچی ۔۔۔5 جولائی 2013ء

متحدہ قومی موومنٹ کے حق پرست سینیٹرزنے کراچی میں جرائم پیشہ عناصرکی جانب سے لیاری ،آگرہ تاج کالونی اوردیگر علاقوں میں کچھی برادری کودہشت گردی کانشانہ بنانے کی شدیدمذمت کی ہے ۔ اپنے ایک بیان میں حق پرست سینیٹرزنے کہاکہ کچھی برادری نے قیام پاکستان کیلئے بڑی قربانیاں دیں اورقیام پاکستان کے بعدپاکستان کی تعمیر میں بھی ایک بڑااورنمایاں کرداراداکیالیکن یہ امرانتہائی افسوسناک اورقابل مذمت ہے کہ لیاری اوردیگرعلاقوں میں امن پسند کچھی کمیونٹی کے معصوم لوگوں کومٹھی بھرجرائم پیشہ عناصر مسلسل دہشت گردی کانشانہ بنارہے ہیں، ان کے گھروں پردستی بموں اورراکٹوں سے حملے کررہے ہیں اورانہیں شہیدوزخمی کررہے ہیں اورمسلسل حملے کرکے انہیں علاقے چھوڑنے پر مجبورکررہے ہیں،کئی علاقوں میں کچھی کمیونٹی کے بیشترگھروں پر جرائم پیشہ عناصر قبضے کرچکے ہیں لیکن ان دہشت گردوں کے خلاف کوئی کارروائی نہیں کی جارہی ہے ۔ اس کھلی دہشت گردی سے تنگ آکرکچھی کمیونٹی احتجاج پر مجبور ہوگئی ہے لیکن افسوس کہ حکومت ان کے احتجاج پر کوئی کان نہیں دھررہی ہے۔ حق پرست سینیٹرزنے حکومت سے مطالبہ کیاکہ کچھی کمیونٹی کودہشت گردی کانشانہ بنانے والے جرائم پیشہ عناصر کے خلاف کارروائی کی جائے ، ان کے گھروں پر حملے بندکرائے جائیں اورکچھی کمیونٹی سمیت علاقے کی تمام برادریوں کوجان ومال کاتحفظ فراہم کیاجائے ۔