نارتھ ناظم آبادکٹی پہاڑی کے قریب رینجرزچوکی پردستی بم حملے اوربم دھماکے پررابطہ کمیٹی کااظہارمذمت

کراچی:۔۔۔15، جون2013ء

متحدہ قومی موومنٹ کی رابطہ کمیٹی نے کراچی علاقے نارتھ ناظم آبادمیں کٹی پہاڑی کے قریب رینجرزچوکی پردستی بم حملے اوربم دھماکے کی سخت ترین الفاظ میں مذمت کرتے ہوئے دھماکے کے نتیجے میں رینجرزاورپولیس اہلکاروں سمیت 8افرادکے زخمی ہونے پردلی افسوس کااظہارکیاہے۔ایک بیان میں رابطہ کمیٹی نے کہاکہ دہشت گرداپنے مذموم مقاصد کی تکمیل کیلئے قانون نافذکرنے والے اداروں کے اہلکاروں،رینجرز،پولیس اورعام شہریوں کے ساتھ ساتھ ایم کیوایم کے ذمہ داران و کارکنان کودہشت گردی کانشانہ بنا رہے ہیں تاہم یہ امرانتہائی افسوسناک ہے اورناقابل یقین ہے کہ رینجرزاورپولیس اہلکاروں کودہشت گردی کانشانہ بنانے والے دہشت گردقانون کی گرفت سے آزاد ہیں۔ رابطہ کمیٹی نے کہاکہ اس سے قبل بھی گینگ وارکے دہشت گردوں کی جانب سے لیاری میں رینجرزاورپولیس اہلکاروں کواغواء کرکے بے دردی سے قتل کیاجاتارہاہے لیکن کوئی گرفتاری عمل میں نہیںآئی اورمعاملے کوسیاسی مصلحت کے تحت دبایا گیا۔ رابطہ کمیٹی نے دستی بم حملے اوربم دھماکے نتیجے میں زخمی ہونیوالے رینجرز،پولیس سمیت تمام افرادسے دلی ہمدردی کااظہارکیااوران کی جلدومکمل صحت یابی کیلئے دعاکی۔رابطہ کمیٹی نے گورنر سندھ ڈاکٹرعشرت العباد،وزیراعلیٰ سندھ سیدقائم علی شاہ اورڈی جی رینجرزسمیت تمام اعلیٰ حکام سے پرزورمطالبہ کیاکہ وہ کراچی میں رینجرز،پولیس اورعام شہریوں سمیت ایم کیو ایم کے کارکنان کودہشت گردی کانشانہ بنانے دہشت گردوں کوگرفتارکرکے عبرتناک سزادیں اورکراچی سے دہشت گردوں کاقلع قمع کرکے شہریوں کوجان ومال کاتحفظ فراہم کریں۔