ایم کیوا یم PWDsونگ کے رکن نور الدین بھمانی (منا بھائی ) کو آہوں اور سسکیوں کے ساتھ مواچھ گوٹھ کے قبرستان میں سپردخاک کر دیا گیا
کراچی۔۔۔17مئی2015ء
متحدہ قومی موومنٹ کے پی ڈبلیو ڈی( Person With Disablity)ونگ کے رکن نورالدین بھمانی عرف( منا بھائی)کو آہوں اور سسکیوں کے ساتھ مواچھ گوٹھ کے قبرستان میں سپرد خاک کر دیا گیا ۔مرحوم کی نماز جنازہ امین آباد پیر الٰہی بخش کالونی میں ادا کی گئی جس میں ایم کیوایم کی رابطہ کمیٹی کے رکن ڈاکٹر محمد فاروق ستار ، سینٹرل ایگزیکٹو کونسل کے رکن احمد سلیم صدیقی،حق پرست اراکین اسمبلی رشید گوڈیل، ڈاکٹر صغیر احمد، محمود عبد الرزاق، ایم کیو ایم PWDونگ کے مرکزی عہدیداران اور کارکنان سمیت اہل محلہ نے بڑی تعداد میں شرکت کی ۔
واضح رہے کہ نور الدین بھمانی مرحوم طویل عرصے سے علیل اور اسٹیچر پر زندگی بسر کر رہے تھے اور اسی حالت میں وہ معذور افراد کیلئے خدمات کے فرائض سر انجام دینے کے ساتھ ساتھ ایم کیوایم کے ہر پروگرام میں شامل ہو تے تھے۔