ایم کیوایم کورنگی سیکٹر یونٹ 71 کی کمیٹی کے رکن محمد حسین شہید کو سینکڑوں آہوں سسکیوں کے درمیان سپرد خاک کردیا گیا
نماز جنازہ اور تدفین میں ایم کیوایم کی رابطہ کمیٹی کے ڈپٹی کنونیر ناصر جمال، رکن رابطہ کمیٹی، حق پرست اراکین اسمبلی، سیکٹر و یونٹس کے ذمہ داران و کارکنان اور شہید کے عزیز و اقارب کی شرکت
کراچی۔۔۔13جون2013ء
گزشتہ روز مسلح دہشت گردوں کی فائرنگ کے نتیجے میں شہید ہونے والے ایم کیوایم کورنگی سیکٹریونٹ 71 کی کمیٹی کے رکن محمد حسین کو سینکڑوں آہوں سسکیوں کے درمیان چکراگوٹھ قبرستان میں سپر دخاک کر دیا گیا ۔شہید کی نمازجنازہ بعد نماز مغرب جامعہ مسجد عثمان الحرمین پرادا کی گئی ۔ نمازجنازہ و تدفین میں ایم کیوایم کی رابطہ کمیٹی کے ڈپٹی کنونیر ناصرجمال، رکن رابطہ کمیٹی کنورنوید جمیل، ، کراچی تنظیمی کے انچارج ندیم احسان و اراکین کمیٹی، حق پرست ارکان ، علاقائی سیکٹرو یونٹس ذمہ داران و کارکنان اور شہدا کے عزیز اقاراب نے بڑی تعداد میں شرکت کی ۔