تمباکو نوشی مضر صحت ہے جس کے استعمال سے ہر سال لاکھوں افراد موت کی آغوش میں چلے جاتے ہیں، الطاف حسین

لندن۔۔۔31،مئی2013ء

متحدہ قومی موومنٹ کے قائد جناب الطاف حسین نے کہاہے کہ تمباکو نوشی مضرصحت ہے جس کے استعمال سے ہرسال لاکھوں افرادموت کی آغوش میں چلے جاتے ہیں۔ انسدادتمباکونوشی کے عالمی دن کے موقع پرتمباکونوشی کے نتیجے میں انسانی صحت کوپہنچنے والے نقصانات کے بارے میں عوام الناس کوشعوروآگہی فراہم کرتے ہوئے اپنے خصوصی پیغام میں جناب الطاف حسین نے کہاکہ تمباکونوشی کے استعمال سے پھیپڑوں،منہ کے سرطان اوردل کے عارضے سمیت دیگرموذی اورجان لیوابیماریاں جنم لیتی ہیں جو خطرناک ہونے کے ساتھ ساتھ نہ صرف انسانی صحت بلکہ تمباکواستعمال کرنے والے فردکے اہلخانہ اورماحول کوناقابل تلافی نقصان پہنچاتی ہیں۔ انہوں نے کہاکہ تمباکونوشی کے استعمال سے پھیلنے والی موذی اورجان لیوابیماریوں کا شکارہوکر ہر سال لاکھوں افرادزندگی کی بازی ہارجاتے ہیں۔انہوں نے کہاکہ تمباکونوشی کے مضراثرات کااندازاس بات سے لگایاجاسکتاہے کہ عالمی سطح پرسب سے زیادہ اموات تمباکونوشی کے سبب ہی ہوتی ہیں۔جناب الطاف حسین نے تمباکونوشی کرنے والے تمام افرادخصوصاً نوجوانوں سے دردمندانہ اپیل کی کہ وہ اپنے پیاروں کی خاطرفوری طور پر تمباکو نوشی ترک کردیں اورخوشگوارزندگی گزارکراپنے اہل خانہ کا سہارابننے۔