نو منتخب وزیر اعلیٰ سندھ سید قائم علی شاہ اور سندھ کابینہ کے ارکان کی لیاری گینگ وار کے جرائم پیشہ افراد کے عشائیے میں شرکت سے ہر با شعور فرد بخوبی اندازہ لگا سکتا ہے کہ پیپلز پارٹی کراچی میں قیام امن کے سلسلے میں کتنی سنجیدہ ہے۔ حق پرست اراکین سندھ اسمبلی

کراچی:۔۔۔31مئی2013ء

متحدہ قومی موومنٹ کے حق پرست اراکین سندھ اسمبلی نے نومنتخب وزیراعلیٰ سندھ سیدقائم علی شاہ اورسندھ کابینہ کے ارکان کی لیاری گینگ وار کے جرائم پیشہ افراد کے عشائیے میں شرکت پر تبصرہ کرتے ہوئے کہاہے کہ پیپلزپارٹی کے رہنماؤں کے اس اقدام سے ہرباشعورفردبخوبی اندازہ لگاسکتاہے کہ پیپلزپارٹی کراچی میں قیام امن کے سلسلے میں کتنی سنجیدہ ہے۔اپنے بیان میں حق پرست اراکین سندھ اسمبلی نے کہاکہ یہ بات شہر کا بچہ بچہ اچھی طرح جانتا ہے کہ لیاری گینگ وار جرائم پیشہ عناصرکاایک ٹولہ ہے جس کادامن سنگین جرائم سے عبارت ہے جو شہرمیں کچھی کمیونٹی، اردوبولنے والے معصوم افراد کے اغوا،سفاکانہ قتل انکے گلے کاٹنے ، صنعتکاروں و تاجروں کے اغواء برائے تاوان ،بھتہ وصول کرنے ،زمینوں پرقبضے،پولیس اوررینجرزپرمسلح حملوں،فائرنگ،تھانوں کے گھیراؤ جلاؤ،بم دھماکوں اور دیگر سنگین وارداتوں میں براہ راست ملوث رہا ہے اور اسی بناء پر خودپیپلزپارٹی کی سابقہ حکومت نے اس جرائم پیشہ گروہ پر اعلانیہ پابندی عائدکرتے ہوئے اسکے ارکان کواشتہاری مجرم قراردیاتھالیکن گزشتہ روز وزارت اعلیٰ کاحلف اٹھاتے ہی وزیراعلیٰ سندھ سید قائم علی شاہ اورپیپلزپارٹی کے دیگرمرکزی رہنماؤں نے ان جرائم پیشہ عناصر کے عشائیہ میں شرکت کرکے کراچی کے شہریوں،تاجروں، صنعتکاروں،دکانداروں اورتمام عوام کو یہ واضح اشارہ دیدیاہے کہ انہیں کراچی کے عوام کی نہیں بلکہ جرائم پیشہ افراد کے ایک گروہ کی خوشنودی عزیزہے اورپیپلزپارٹی کے رہنماؤں نے یہ بھی واضح کردیاہے کہ وہ اپنی اس حکومت کوکس اندازسے چلاناچاہتے ہیں ۔