گجرات میں اسکول وین میں المناک حادثے کے نتیجے میں متعدد کم عمرطالب علم بچوں کے جاں بحق اور زخمی ہونے پر الطاف حسین کااظہار افسوس

لندن۔۔۔25، مئی 2013ء 

متحدہ قومی موومنٹ کے قائد جناب الطاف حسین نے گجرات میں اسکول وین میں المناک حادثے میں متعدد کم عمر بچوں کے جاں بحق اور کئی بچوں کے زخمی ہونے پر گہرے دکھ اور افسوس کااظہار کیا ہے۔ اپنے تعزیتی بیان میں انہوں نے کہاکہ اسکول وین میں ہونیوالے حادثہ کے نتیجے میں کم عمر طالب علم بچوں کے جاں بحق ہونے پر ہردرد مند دل دکھی ہے اور المناک حادثے پر افسردہ ہے ۔ انہوں نے جاں بحق ہونے والے بچوں کے سوگوار لواحقین سے دلی تعزیت وہمدردی کااظہار کرتے ہوئے کہاکہ مجھ سمیت ایم کیوایم کے تمام کارکنان آپ کے دکھ میں برابر کے شریک ہیں ۔جناب الطاف حسین نے دعا کی کہ اللہ تعالیٰ جاں بحق بچوں کو جنت الفردوس میں اعلیٰ مقام عطا فرمائے اور سوگواران کو صبرجمیل عطا کرے ۔