پاکستان پر حکمرانی کا خواب اور خواب دیکھنے والی پی ٹی آئی دونوں ٹوٹ پھوٹ کا شکار ہیں، رکن رابطہ کمیٹی واسع جلیل

کراچی ۔۔21مئی 2013ء 

متحدہ قومی موومنٹ کی رابطہ کمیٹی کے رکن و شعبہ اطلاعات کے انچارج واسع جلیل نے کہاکہ پاکستان پر حکمرانی کا خواب اور خواب دیکھنے والے پی ٹی آئی دونوں ٹوٹ پھوٹ کاشکار ہیں ۔ایک بیان میں انہوں نے کہاکہ ہم پی ٹی آئی کی اس شکست کے نتیجے میں ہونے والی ذہنی اذیت اور انتخابی سرگرمیوں میں ساتھ دینے والے سر مایہ کاروں کے بڑھتے ہوئے دباؤ کو اچھی طرح سمجھتے ہیں ۔انہوں نے کہاکہ پاکستان اور خصوصاً خیبر پختونخواہ میں خواتین کو ووٹ کی بنیادی حق سے محروم کرنے والی بنیاد پر ست جماعت پی ٹی آئی اور ان کے حواریوں کے منہ سے حقوق نسواں کی باتیں اچھی نہیں لگتی ہے ۔