گزشتہ روز دھماکوں کے نتیجے میں شہید ہونیو الے ایم کیوایم کے دو کارکنان ایک ہمدرد کوسینکڑوں آہوں سسیکوں کے درمیان مقامی قبرستان میں سپردخاک

کراچی ۔۔۔5، مئی 2013ء 

گزشتہ روزعزیزآبادمیں ایم کیوایم کے انتخابی دفترکے قریب بم دھماکوں کے نتیجے میں شہیدہونیو الے ایم کیوایم کے دوکارکنان راحت خان شہید،محمدیونس شہیداور معصوم 8 سالہ ہمدردعبدالرحمن شہیدکوسینکڑوں سوگواران کی آہوں سسیکوں کے درمیان مقامی قبرستان میں سپردخاک کردیاگیاہے۔تفصیلات کے مطابق ہفتے کی شام فیڈرل بی ایریابلاک8کے علاقے میں ایم کیوایم کے انتخابی دفترکے قریب یکے بعددیگرے دوبم دھماکوں کے نتیجے میں شہیدہونیوالے ایم کیوایم فیڈرل سیکٹر یونٹ 153-A کے کارکن راحت خان کی نمازجنازہ بعدنماز ظہر جامع مسجد صفحہ ،بلاک 02 عزیزآباد میں ادا کی گئی اورراحت خان شہیدکومحمد شاہ قبرستان نارتھ کراچی ہوئی جبکہ ایم کیوایم فیڈرل بی ایریاسیکٹریونٹ 153-Aکے ہمدرد8سالہ عبد الرحمن ولد محمد سلیم کی نمازجنازہ بعد نماز ظہرالماس مسجد بلاک 08عزیز آباد میں ادا کی گئی اور تدفین یٰسین آبادقبرستان ہوئی اسی طرح محمدیونس شہیدکی نمازجنازہ بعدظہرباب رحمت مسجدبلاک17میں اداکی گئی اور تدفین محمدشاہ قبرستان نارتھ کراچی کی گئی۔نماز جنازہ تدفین میں ایم کیوایم کی رابطہ کمیٹی ارکان وسیم آفتاب،نامزدحق پرست امیدواران شیخ صلاح الدین ،انوررضانقوی،کراچی تنظیمی کمیٹی کے ارکان،ایم کیوایم فیڈرل بی ایریاسیکٹرکمیٹی ،علاقائی یونٹ کمیٹیوں کے ذمہ داران و کارکنان،ہمدردعوام اورشہداء کے سوگواراہلخانہ نے بڑی تعداد میں شرکت کی۔اس مو قع پر شہداء کی مغفرت، ان کے بلند درجات اور شہداء کے لواحقین کو یہ صدمہ برادشت کرنے کیلئے اجتماعی دعائیں کی گئیں۔