متحدہ قومی موومنٹ برطانیہ کے زیر اہتمام کراچی، خیبر پختونخوا او ربلوچستان میں دہشت گردی کے خلاف کل بروز اتوار دوپہر 2 بجے لندن میں پاکستان ہائی کمیشن کے سامنے احتجاجی مظاہرہ کیا جائے گا

لندن ۔۔27اپریل 2013ء

متحدہ قومی موومنٹ برطانیہ کے زیر اہتمام کراچی ،خیبر پختونخوا او ربلوچستان میں دہشت گردی کے خلاف بروز اتوار دوپہر 2بجے لندن میں پاکستان ہائی کمیشن کے سامنے احتجاجی مظاہر ہ کیا جائے گا ۔ایم کیوایم کی رابطہ کمیٹی نے کہا ہے کہ جمہو ریت دشمن عناصروں نے متحدہ قومی مومنٹ اے این پی اور پی پی پی سمیت تما م لبرل اور روشن خیال جماعتوں کے خلاف انتہا پسند جماعتوں نے اتحاد بنا لیا ہے اور اندرونی بیرونی سازشی عناصر سے مل کر متحدہ قومی موومنٹ سمیت دیگر لبرل جماعتوں کو دہشت گردی کا نشانہ بنایا جارہاہے اور اب تک سینکڑوں کارکنان اور ہمدردوں کو شہید کر دیا ہے ۔رابطہ کمیٹی نے ایم کیوایم کے تمام ذمہ داران و کارکنان،ہمدردوں اور تما م لبرل اور روشن خیال سیاسی کارکنوں اور برطانیہ میں مقیم پاکستانیوں سے پر زور اپیل کی ہے کہ وہ اپنا قیمتی وقت نکال کرزیادہ سے زیادہ اس مظاہرے میں شرکت کر کے پاکستان میں ہونے والے قتل و غارتگری کے خلاف نہ صرف اپنا احتجاج ریکارڈ کروائیں بلکہ شہداء کے لواحقین کے دکھ دردمیں بھی شریک ہوں اور ان سے اظہار یکجہتی کریں۔