کریم آباد پر غریب دکانداروں کے ٹھیلے ہٹانے کی کارروائی قابل مذمت ہے۔ ایم کیوایم
یہ کارروائی پی ٹی آئی کی خواہش پر کی گئی ہے تاکہ اسکے الیکشن کیمپ کیلئے زیادہ آسانی فراہم کی جائے۔ خواجہ اظہار الحسن
ایک سیاسی جماعت کے فائدے کیلئے غریب دکانداروں سے ان کا روزگار چھیننا سراسر ظلم، زیادتی اور کراچی دشمنی ہے
کریم آباد کے غریب دکانداروں سے ان کا روزگار چھین کر ان کا معاشی قتل نہ کیا جائے۔ خواجہ اظہار الحسن
کراچی۔۔۔ 10 اپریل 2015ء
متحدہ قومی موومنٹ کے رکن سندھ اسمبلی خواجہ اظہارالحسن نے حکومت وانتظامیہ کی جانب سے کریم آبادپر غریب دکانداروں کے ٹھیلے ہٹانے کی شدیدمذمت کرتے ہوئے کہاہے کہ جس طرح رات کے اندھیرے میں یہ کارروائی کی گئی ہے اس سے صاف ظاہر ہے کہ یہ کارروائی پی ٹی آئی کی خواہش پرکی گئی ہے تاکہ وہاں قائم پی ٹی آئی کے الیکشن کیمپ کیلئے زیادہ آسانی فراہم کی جائے۔ خواجہ اظہار الحسن نے اس کارروائی کی شدیدمذمت کرتے ہوئے کہاہے کہ ایک سیاسی جماعت کے فائدے کیلئے غریب دکانداروں سے ان کا روزگار چھیننا سراسرظلم ،زیادتی اورکراچی دشمنی ہے ۔خواجہ اظہارالحسن نے کہاکہ حکومت سے مطالبہ کیاکہ کریم آبادکے غریب دکانداروں سے ان کاروزگارچھین کران کامعاشی قتل نہ کیاجائے اورانہیں اپناکاروبارکرنے کی دوبارہ اجازت دی جائے ۔