سکھر زون کے جوائنٹ انچارج عبد الکلام شاہ کے انتقال پر جناب الطاف حسین کااظہارِ تعزیت

لندن :۔۔۔23، اپریل 2013ء 

متحد ہ قومی موومنٹ کے قائد جناب الطاف حسین نے ایم کیوایم سکھر زون کے جوائنٹ انچارج عبد الکلام شاہ کے انتقال پر گہرے رنج و غم کااظہار کیاہے ۔ ایک بیان میں جناب الطاف حسین نے مرحوم کی تنظیمی خدمات پر انہیں زبردست خراج عقیدت پیش کیا اور کہاکہ مرحوم کو شمار تحریک کے سینئر ترین کارکنان میں ہوتا تھا ، مرحوم نے ہر مشکل اور کٹھن حالات تحریک کا ساتھ دیا اور ثابت قدم رہے ۔ انہوں نے مرحوم کے تمام سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی اور کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقا م عطافرمائے اور سوگواران کو صبرجمیل عطا کرے ۔(آمین)