عزیزآباد کی خواتین کی جانب سے جناح گراؤنڈ میں چوڑیوں کا اسٹال قائم کیا گیا

جناح گراؤنڈ کی سرگرمیاں
کراچی:3اپریل2015ء

قومی اسمبلی کے حلقہ این اے 246کے ضمنی الیکشن کے سلسلے میں اہلیان عزیزآباد خواتین کی جانب سے سے ایم کیوایم کے مرکز نائن زیرو سے متصل جناح گراؤنڈ عزیزآباد میں چوڑیوں کااسٹال قائم کیا گیا ۔اسٹال کا افتتاح ایم کیوایم کے قائد جنا ب الطاف حسین کی ہمشیرہ محترمہ سائرہ خاتون نے کیا۔اس مو قع پر رابطہ کمیٹی کے اراکین قمر منصور، عظیم فارووقی اور عارف خان ایڈوکیٹ بھی موجود تھے۔اسٹال میں خواتین کا زبردست جوش خروش پایا جارہاہے اور ساتھ ساتھ چھوٹے بچوں کے فیس پر ایم کیوایم کے پرچم بھی بنائیں جارہے تھے۔ اس مو قع پر محترمہ سائرہ خاتون نے اسٹال میں موجود خاتون کو ایم کیوایم کے رنگ دوپٹہ اور چوڑیاں تقسیم کئیں۔