ایم کیوایم اورنگی ٹاؤن سیکٹر کے سینئر کارکن سلیم اصغر کی دوران علاج شہادت پر جناب الطا ف حسین کا اظہار افسوس

لندن ۔۔۔28فروری 2015ء 

متحدہ قومی موومنٹ کے قائد جناب الطاف حسین نے ایم کیوایم قصبہ علیگڑھ سیکٹر یونٹ 131کے سینئر کارکن سلیم اصغر ولد علی اصغر کی دوران علاج شہادت پر گہرے دکھ اور افسوس کا اظہار کیا ہے ۔ ایک تعزیتی بیان میں جناب الطا ف حسین نے شہید کے پسماندگان سے دلی تعزیت و ہمدردی کا اظہار کرتے ہوئے کہا کہ دکھ کی اس گھڑی میں مجھ سمیت ایم کیوایم کے تمام کارکنان آپ کے دکھ میں برابر کے شریک ہے ۔جناب الطاف حسین نے دعا کی کہ اللہ تعالیٰ سلیم اصغر شہید کو جنت الفردوس میں اعلیٰ مقام عطاء فرمائے اور سوگوارلواحقین کو یہ صدمہ برداشت کرنے کا حوصلہ عطاء کرے۔ واضح رہے کہ سلیم اصغر ایم کیوایم یونٹ131اورنگی ٹاؤن سیکٹر کے سینئر کارکن تھے جنہیں گزشتہ روز نماز جمعہ کی ادائیگی کے بعد گھر جاتے ہوئے نامعلوم مسلح دہشت گردوں نے فائرنگ کردی تھی جس کے نتیجے ایم کیو ایم کے ایک ہمدرد موقع پر شہید ہوگئے تھے جبکہ سلیم اصغر شدید زخمی ہوگئے تھے تاہم انہیں طبی امداد کیلئے فوری مقامی اسپتال منتقل کیا گیا جہاں وہ زندگی اور موت کی کشمکش میں رہنے کے بعد آج شام اپنے خالق حقیقی سے جا ملے۔شہید نے پسماندگان میں بیوہ اور 4بچوں سمیت والدہ اور بہن بھائیوں کو سوگوار چھوڑا ہے۔