ایم کیوایم کے کارکنان ، ذمہ داران ، ہمدردوں اور شہریوں کی بڑھتی ہوئی ٹارگٹ کلنگ کراچی میں عام انتخابات کے عمل کو روکنے کی سازش ہے ،رابطہ کمیٹی

کراچی :۔۔۔۔13، اپریل 2013ء 

متحدہ قومی موومنٹ کی رابطہ کمیٹی نے دہشت گردوں کی فائرنگ سے ایم کیوایم رنچھوڑ لائن سیکٹر یونٹ 34کے کارکن عامر شیخ کے بہیمانہ قتل کی سخت ترین الفا ظ میں مذمت کی ہے اور واقعہ کو شہر کا امن تباہ کرنے کی سازش قراردیا ہے ۔ایک بیان میں رابطہ کمیٹی نے کہاکہ دہشت گرد عناصر سوچی سمجھی سازش کے تحت شہر میں قتل و غارت گری کے واقعات کے زریعے ایم کیوایم کے کارکنان ، ذمہ داران ، ہمدردوں اور شہریوں کا قتل عام کرکے عام انتخابات کے عمل کو روکنے کی سازش کر رہے ہیں۔ انہوں نے کہاکہ عامر شیخ کا قتل بھی اسی سازش کاحصہ ہے ، رابطہ کمیٹی نے شہید کے تمام سوگوارلواحقین سے دلی تعزیت وہمدردی کااظہار کرتے ہوئے شہید کی مغفرت اور سوگواران کے لئے صبر جمیل کی دعا کی ۔ رابطہ کمیٹی نے گو رنر سندھ ڈاکٹر عشرت العباد خا ن ، نگراں وزیر اعلیٰ سندھ جسٹس(ر) زاہد قربان علوی سے مطالبہ کیاکہ عامر شیخ کے قتل کا نوٹس لیا جائے اور واقعے میں ملوث دہشت گردوں کو گرفتار کرکے انہیں قرار واقعی سزاد ی جائے۔