فخرالاسلام 2013کے الیکشن کے پہلے شہید ہیں،،دہشت گردایسی بزدلانہ کارروائیاں کرکے ہمارے حوصلے پست نہیں کرسکتے ایم کیوایم حیدرآبادزونل آفس پرزون کے ذمہ داران وکارکنان سے گفتگو

حیدرآباد:۔۔۔11اپریل2013ء

متحدہ قومی موومنٹ کے قائدجناب الطاف حسین نے حیدرآبادمیں ایم کیوایم کے یونٹ16کے جوائنٹ یونٹ انچارج اوراین اے221اورپی ایس47 سے امیدوارفخرالاسلام پردہشت گردوں کی فائرنگ کے بہیمانہ واقعہ کی شدیدالفاظ میں مذمت کی۔انہوں نے ایم کیوایم حیدرآبادزونل آفس پرزون کے ذمہ داران اورکارکنان سے گفتگوکرتے ہوئے کہاکہ الیکشن 2013ء کے آغازپرہی ہمارے امیدوارکاقتل ہمیں الیکشن سے دوررکھنے کی سازش ہے اور فخرا لاسلام 2013کے الیکشن کے پہلے شہیدہیں۔انہوں نے کہاکہ دہشت گردایسی بزدلانہ کارروائیاں کرکے ہمارے حوصلے پست نہیں کرسکتے۔انہوں نے ایم کیو ایم کے یونٹ16کے جوائنٹ یونٹ انچارج اوراین اے221اورپی ایس47سے امیدوارفخرالاسلام کی شہادت پران کے تمام اہلخانہ سے دلی تعزیت کی اورحیدرآبادکے تمام کارکنان کوصبروتحمل سے کام کرنے کی ہدایت دی۔شہیدنے پسماندگان میں بیوہ سمیت تین بیٹیاں اوردوبیٹے چھوڑے ہیں۔