گورنر سندھ ڈاکٹر عشرت العباد خان نے ’’الطاف حسین یونیورسٹی حیدر آبا د‘‘ کا سنگ بنیادرکھ دیا
حیدرآباد: ۔۔۔30جنوری2015ء
متحدہ قومی موومنٹ کے قائد جناب الطاف حسین کے نام سے منسوب یونیورسٹی کا سنگ بنیاد رکھنے کی پر وقار تقریب حیدر آباد میں منعقد کی گئی جس میں گورنر سندھ ڈاکٹر عشرت العباد خان نے بطور مہمان خصوصی شرکت کی اور الطاف حسین یونیورسٹی حیدر آبا د کے سنگ بنیاد کی تختی سے نقاب ہٹا کر یونیورسٹی کی باقاعدہ بنیاد رکھی ۔اس موقع پر ایم کیوایم رابطہ کمیٹی پاکستان کے انچارج قمر منصور ، بحریہ ٹاؤن کے سربراہ ملک ریاض ،حیدر آباد سے تعلق رکھنے والے حق پرست رکن قومی اسمبلی ڈاکٹر خالد مقبول صدیقی، سابق سٹی ناظم حیدر آباد کنور نوید جمیل،یونیورسٹی پراجیکٹ کے کنٹریکٹرانکے ہمراہ تھا ۔الطاف حسین یونیورسٹی حید ر آباد کا سنگ بنیاد رکھنے کے بعد یونیورسٹی کی کامیابی اور ملک کی بقاء و سلامتی کیلئے خصوصی دعا مانگی گئی ۔