اورنگی ٹاؤن پائلٹ پروجیکٹ ڈائریکٹرمحترمہ پروین رحمان کوفائرنگ کرکے قتل کرنے پر رابطہ کمیٹی کا اظہار مذمت

کراچی:۔۔۔13؍مارچ2013ء

متحدہ قومی موومنٹ کی رابطہ کمیٹی نے اورنگی ٹاؤن پائلٹ پروجیکٹ ڈائریکٹرمحترمہ پروین رحمان کوفائرنگ کرکے شہیدکرنے کی سخت ترین الفاظ میں مذمت کرتے ہوئے اس واقعہ کو شہر کا امن تباہ کرنے کی گھناؤنی سازش قرار دیا ہے اورمطالبہ کیاہے کہ پروین رحمان شہیدکے بہیمانہ قتل میں ملوث سفاک دہشت گردوں کوگرفتارکرکے عبرتناک سزادی جائے۔ایک بیان میں رابطہ کمیٹی نے کہاکہ دہشت گردعناصرملک کوغیرمستحکم کرنے کے سوچے سمجھے منصوبے کے تحت کراچی کے معصوم شہریوں اوراہم شخصیات کودہشت گردی کانشانہ بنارہے ہیں تاکہ ملک کوغیرمستحکم کیا جاسکے۔رابطہ کمیٹی نے کہاکہ اورنگی ٹاؤن پائلٹ پروجیکٹ دائریکٹرپروین رحمان کے بہیمانہ قتل کی گھناؤنی واردات بھی پاکستان کے خلاف گھناؤنی سازش ہے جس سے ملک وقوم کوناقابل تلافی نقصان پہنچاہے۔رابطہ کمیٹی نے پروین رحمان شہیدکے تمام سوگوارلواحقین سے دلی تعزیت وہمدردی کااظہارکرتے ہوئے انہیں صبرکی تلقین کی۔ رابطہ کمیٹی نے صدر آصف علی زرداری ، وزیر اعظم راجہ پرویز اشرف ، وفاقی وزیر داخلہ رحمن ملک ، گور نر سندھ ڈاکٹر عشرت العباد اور وزیر اعلیٰ سندھ سید قائم علی شاہ سے مطالبہ کیا ہے کہ وہ اورنگی ٹاؤن پائلٹ پروجیکٹ ڈائریکٹرمحترمہ پروین رحمان کے بہیمانہ قتل کافی الفورنوٹس لیاجائے اورشہریوں کی جان ومال کے تحفظ کے لئے ٹھوس و مثبت اقدامات بروئے کار لائے جائے ۔