کراچی بم دھماکے مہاجروں کی نسل کشی کے مذموم ایجنڈے کا تسلسل ہیں، ایم کیوایم امریکہ، ایم کیوایم بیلجیئم یونٹ کے زیر اہمتام سانحہ عباس ٹاؤن کے شہداء کے ایصال ثواب کیلئے قرآن خوانی کا اجتماع

واشنگٹن ڈی سی :05-03-2013

ایم کیوایم امریکہ کے سینٹرل آرگنائزر جنید فہمی ، جوائنٹ سینٹرل آرگنائزر محمد ارشد حسین ، ندیم صدیقی اور سینٹرل آرگنائزنگ کمیٹی نے کراچی کے علاقے عباس ٹاؤن میں بم دھماکوں کے نتیجے میں 45سے زائد افرادکے جاں بحق ہونے پر پانے گہرے دکھ اور افسوس کااظہار کیا ہے اور دہشت گردی کے اس سفاکانہ عمل کی شدید مذمت کی ہے ۔ واشنگٹن ڈی سی جاری ہونے والے اپنے مشترکہ بیان میں ایم کیوایم امریکہ کے ذمہ داران نے کہا کہ کراچی میں جس درندگی کے ساتھ دہشتگردوں نے معصوم بچوں ، خواتین ، بوڑھوں اور جوانوں کو نشانہ بنایا ہے اس نے ریاست اور حکومتی اداروں کی کارکردگی اور دہشت گردی کے خلاف ان کی پالیسیوں پر سوالیہ نشان کھڑے کردیئے ہیں ۔ انہوں نے کہاکہ کراچی میں ریاست اور عوام کے تحفظ کے ذمہ دار سرکاری ایجنسیوں کی ناک کے نیچے مہاجروں کی نسل کشی کا گھناؤنا عمل جاری ہے اور اب مہاجروں کے اتحاد کو پارہ پارہ کرنے کیلئے یہاں فرقہ وارانہ فسادات بھڑکانے کی سازش کی جارہی ہے ۔ انہوں نے مزید کہا کہ ریاستی ادارے ان کالعدم انتہا پسند تنظیموں کے سامنے بے بسی کی تصویر نظر آتے ہیں اور اگر جلد ہی بے بسی اور بے حسی کی تصویر بنے ان اداروں نے اپنی قومی ذمہ داری کا احساس کرتے ہوئے دہشتگرد تنظیموں کے خلاف کارروائی نہ کی تو پاکستان کی سلامتی ، یکجہتی اور بقاء کو سنگین خطرات لاحق ہوجائیں گے ۔ایم کیوایم امریکہ کی سینٹرل کمیٹی کے اراکین نے صدر ، وزیراعظم ، وفاقی وزیر داخلہ اور وزیراعلیٰ سندھ سے مطالبہ کیا کہ کراچی دھماکوں کے ذمہ داروں کے خلاف بھر پور کارروائی کی جائے اور کراچی کے معصوم شہریوں کو خون میں نہلانے والی وحشی اور جنونی انتہا پسند تنظیموں کے خلاف فوری کریک ڈاؤن شروع کیا جائے ۔ انہوں نے بم دھماکوں میں شہید افراد کے بلند درجات اور زخمیوں کی جلد ومکمل صحت یابی کیلئے دعا بھی کی ۔ 

 

برسلز۔۔5مارچ 2013ء

ایم کیوایم بیلجیئم یونٹ کے زیر اہمتام سانحہ عباس ٹاؤن کے شہداء کے ایصال ثواب کیلئے قرآن خوانی وفاتحہ خوانی کا اجتما ع منعقد کیا گیا ۔ اجتماع میں ایم کیوایم بیلجئیم یونٹ کے ذمہ داران وکارکنان اور پاکستانیوں نے بڑی تعداد میں شرکت کی ۔ اس موقع پر سانحہ عباس کے شہدء کے بلند درجات،زخمیوں کی جلد اور مکمل صحتیابی اور سوگوارن کیلئے صبرجمیل کی دعائیں کی گئیں۔اجتما ع میں ٹاؤن میں بم دھماکہ او راس کے نتیجے میں سینکڑوں اورافراد کے ہلا ک زخمی ہونے پر شدید الفاظ میں مذمت کا اظہار کیا گیا اور صدر مملک آصف علی زرداری ، وزیر اعظم پاکستان راجہ پرویز اشرف ، وفاقی وزیر داخلہ رحمن ملک اور دیگر ارباب اختیارسے مطالبہ کیا گیا کہ سانحہ عباس ٹاؤن کا فوری نوٹس لیا جائے، واقعہ میں ملوث انتہاپسند دہشت گردوں کو گرفتار کر کے عبرتناک سزادی جائے اور شعیہ برداری سمیت ملک بھر کے عوام کا تحفظ یقینی بنایا جائے ۔