محنت ومزدوری کرنے کیلئے بلوچستان جانے والے غریب پنجابیوں کو قتل کرناسراسرظلم ہے ۔الطاف حسین

لندن۔۔۔16 نومبر2014ء

متحدہ قومی موومنٹ کے قائدجناب الطاف حسین نے کہاہے کہ محنت ومزدوری کرنے کیلئے بلوچستان جانے والے غریب پنجابیوں کو قتل کرناسراسرظلم ہے اور اس ظلم کوبندہوناچاہیے۔انہوں نے یہ بات آج ملک کے بے لاگ اورسینئرتجزیہ کار، ممتازدانشور، شاعر، ادیب اورکالم نگارجناب حسن نثارسے فون پر گفتگو کرتے ہوئے کہی۔ گفتگومیں ملک کی مجموعی صورتحال پر تفصیلی تبادلہ خیال کیاگیا۔اس موقع پر گفتگوکرتے ہوئے جناب الطاف حسین نے کہاکہ مجھے بلوچ عوام کی محرومی اوران کے ساتھ ہونے والے مظالم کاپوری طرح احساس ہے اورمیں ان کیلئے ہمیشہ آوازاٹھاتارہاہوں اورہم نے بلوچ عوام پر ہونے والے مظالم کے خلاف کراچی میں ملین مارچ منعقدکرنے کے ساتھ ساتھ ہرفورم پر آوازاٹھائی ہے لیکن اپنے بیوی بچوں کاپیٹ پالنے کی خاطر محنت ومزدوری کیلئے بلوچستان جانے والے غریب پنجابیوں کووہاں جس طرح چن چن کرقتل کیاجارہاہے وہ کسی بھی طرح جائز نہیں بلکہ یہ سراسرظلم ہے۔ جناب الطاف حسین نے کہا کہ بلوچستان کے حقوق کیلئے آوازاٹھانے والوں کوسوچناہوگاکہ دووقت کی روٹی کیلئے بلوچستان جانے والے ان غریب پنجابیوں نے بلوچستان کے کونسے حقوق غصب کئے ہیں؟ بلوچستان میں ریاستی آپریشن کے دوران ہونے والے مظالم میں ان غریب پنجابیوں کاکونساکردارہے کہ ریاستی آپریشن کی سزا ان غریب پنجابیوں کودی جائے اورانہیں شناختی کارڈچیک کرکرکے قتل کیاجائے؟بلوچستان کے حالات میں ان غریب پنجابی مزدوروں کاکیا قصور ہے؟ یہ غریب پنجابی توخود اپنے حقوق سے محروم ہیں اور محرومی وفاقہ کشی سے مجبورہوکروہ اپنے گھروالوں کاپیٹ پالنے کی غرض سے محنت ومزدوری اورحق حلال کی کمائی کیلئے پنجاب سے بلوچستان جانے پر مجبورہوئے ہیں۔اگران مظلوموں کوپنجاب ہی میں ملازمت ملتی توانہیں بلوچستان جانے کی ضرورت نہ ہوتی لہٰذا بلوچستان کے حقوق کیلئے جدوجہدکرنے والوں کوان غریب پنجابی محنت کشوں کے بارے میں اپنی پالیسی پرنظرثانی کرنی چاہیے اوران غریب پنجابیوں کوظلم وبربریت کا نشانہ بنانے سے گریزکرناچاہیے۔ جناب الطاف حسین نے کہاکہ میں نے بلوچستان میں غریب پنجابی محنت کشوں کے بہیمانہ قتل پر پہلے بھی آواز اٹھائی تھی اور میں انتظار کرتارہاکہ پنجاب سے تعلق رکھنے والے رہنمابھی اس ظلم کے خلاف آوازاٹھائیں گے لیکن مجھے افسوس ہے کہ ان غریب پنجابی مزدوروں کے قتل پر پنجاب سے کسی رہنمایاجماعت نے کوئی آوازنہیں اٹھائی اوران مظلوموں کے سرپرہاتھ نہیں رکھااورسب نے اس معاملے پر بے حسی کی چادراوڑھ رکھی ہے لہٰذا میرے پاس اس کے سواکوئی چارہ نہیں تھاکہ میں جہاں دیگرعوامی ایشوزاوراہم مسائل پرآوازاٹھاتا رہاہوں،میں اس انسانی المیہ پر بھی آوازاٹھاؤں اور میںآوازاٹھاتارہوں گا۔ انہوں نے کہاکہ پنجاب کے نام پر سیاست کرنے والے رہنمااس معاملے پر کیوں خاموش ہیں؟انہوں نے کہا کہ ان مظلوم پنجابیوں کودینے کے لئے وزیراعظم اوروزیراعلیٰ پنجاب کے پاس بھی کچھ نہیں ہے اورپنجاب میں آنے والی ان غریبوں کی لاشیں دفنانے کیلئے بھی ان کے غریب لواحقین کے پاس پیسے نہیں ہوتے ۔ ممتازدانشورحسن نثارنے جناب الطاف حسین کی باتوں سے مکمل اتفاق کیااورکہاکہ اجتماعی خاموشی اور بے حسی کارویہ ہی معاشرے میں ظلم وجبرکے مزیدبڑھنے کاسب سے بڑاسبب ہے ۔