قائد تحریک الطاف حسین نے ایم کیوایم کاپلیٹ فارم غریبوں،متوسط طبقے کے پڑھے لکھے اورایماندارلوگوں کو ایوان اقتدارمیں لانے اور ملک و قوم کے مسائل کے حل کیلئے بے لوث کرداراداکرنے والوں کو فراہم کیاہے، رکن رابطہ کمیٹی وصدر پنجاب میاں عتیق

اسلام آباد ۔۔۔14نومبر 2014ء 

متحدہ قومی موومنٹ کے زیر اہتمام ملک گیر رکنیت سازی مہم کے آغاز پر اپر پنجاب کے تمام اضلاع اور تحصیلوں میں ’’ممبر شب کیمپ ‘‘ قائم کردیئے گئے ہیں، جہاں عوام نے ممبر شپ مہم میں بڑھ چڑھ کر حصہ لیا ، اسلام آبادمیں رکنیت سازی مہم کے حوالے سے لہتراڑ روڈ ترامری چوک پر کیمپپ لگایا گیا جس میں اراکین رابطہ کمیٹی رشید گوڈیل ،میاں عتیق ، صوبائی تنظیمی کمیٹی پنجاب کے جوائنٹ انچارج خالد اعوان،اپر پنجاب کمیٹی کے صدر عتیق عباسی ،ڈسٹرکٹ کمیٹی اسلام آباد کے صدر انیس عباسی سمیت یونٹس کے ذمہ داران وکارکنان نے بھر پور شرکت کی ۔رکنیت سازی کیمپ میں عوام نے بڑھ چڑھ کر حصہ لیا اس موقع پر صحافیوں سے گفتگو کرتے ہوئے رکن رابطہ کمیٹی وصدرپنجاب میاں عتیق نے کہا کہقائد تحریک الطاف حسین نے ایم کیوایم کاپلیٹ فارم غریبوں،متوسط طبقے کے پڑھے لکھے اورایماندارلوگوں کو ایوان اقتدارمیں لانے اور ملک و قوم کے مسائل کے حل کیلئے بے لوث کرداراداکرنے والوں کو فراہم کیاہے غریب اور مسلسل استحصال کاشکار عوام کا اب اس ملک سے جاگیردارانہ،وڈیرانہ ،سرمایہ دارانہ ظالمانہ گلے سٹرے نظام کو بہاکرلے جانے والا ہے۔انتخابی ٹکٹ فروخت کرنے والی جماعتیں ایم کیوایم کے عوامی انقلاب سے خوفزدہ ہیں۔اب غریب،متوسط طبقے کے پڑھے لکھے لوگ اہلیت،قابلیت اور ایمانداری کی بنیاد پر پاکستان سے ایک نئی سیاسی مثال بن کر ابھریں گے۔انہوں نے کہاکہ ہمارامقصد ہی غریبوں کوان کا حق دلانا ہے۔اس ظالمانہ فرسودہ نظام کے چنگل سے غریبوں کو آزادی دلا کر پاکستان کو حقیقی معنوں میں خوشحال ،ترقی یافتہ اور دنیا میں سربلند ملک بناناہے۔اس کے لیئے پنجاب بھر کی عوام کواپنا کردار ادا کرنے کیلئے ایم کیو ایم کا ممبر بنناہو گا۔