عالمي شهرت يافته ۽ نامور پاڪستاني فلم ڊائريڪٽر شرمين عبيد چناءِ جي طرفان ٻيو ڀيرو آسڪر اڪيڊمي ايوارڊ کٽڻ تي ايم ڪيو ايم جي سينيئر ڊپٽي ڪنوينر ڊاڪٽر فاروق ستار جي طرفان مبارڪباد پيش
ڪراچي: 29 فيبروري 2016
متحده قومي موومينٽ جي سينيئر ڊپٽي ڪنوينر ڊاڪٽر فاروق ستار عالمي شهرت يافته پاڪستاني فلم ڊائريڪٽر شرمين عبيد چناءِ جي طرفان ٻيو ڀيرو آسڪر اڪيڊمي ايوارڊ کٽڻ تي زبردست مبارڪباد پيش ڪئي آهي. پنهنجي هڪ بيان ۾ انهن چيو ته غيرت جي نالي تي عورتن جي قتل جون فرسوده رسمون ۽ هٿ ٺوڪيل قانون بدقسمتي سان پاڪستان ۾ رائج آهن جنهن جي ڪري ڪيتريون ئي عورتون غيرت جي نالي تي قتل ڪيون وڃن ٿيون. انهن چيو ته شرمين عبيد چناءِ غيرت جي نالي تي عورتن جي قتلن تي ٻڌل فلمون بڻائي ڪري دنيا جي توجه ان ظلم ڏانهن ڇڪرائي آهي جنهن تي ظلم جون شڪار عورتون ئي نه بلڪه پوري قوم انهن کي زبردست خراج تحسين پيش ڪري ٿي. انهن وڌيڪ چيو ته شرمين عبيد چناءِ غيرت جي نالي تي قتلن تي ٻڌل دستاويزي فلمون بڻائي ڪري ٻيو ڀيرو آسڪر اڪيڊمي ايوارڊ حاصل ڪيو آهي جنهن تي انهن پوري قوم جو سر فخر سان بلند ڪري ڇڏيو آهي.