تبت سينٽر تي ملٽري پوليس جي جوانن تي هٿياربند دهشت گردن جي فائرنگ سان ٻن اهلڪارن جي شهادت جو واقعو قابل مذمت آهي.ايم ڪيو ايم رابطا ڪميٽي.
ڪراچي: پهرين ڊسمبر 2015
متحده قومي موومينٽ جي رابطا ڪميٽي ڪراچي ۾ تبت سينٽر تي ملٽري پوليس جي جوانن تي هٿيار بند دهشت گردن جي فائرنگ جي سخت ترين لفظن ۾ مذمت ڪئي آهي ۽ دهشت گردي جي ان واقعي ۾ ٻن اهلڪارن جي شهادت ۽ هڪ اهلڪار جي زخمي ٿيڻ تي وڏي ڏک ۽ افسوس جو اظهار ڪيو آهي. پنهنجي هڪ بيان ۾ رابطا ڪميٽي چيو ته دهشت گردن ڪجھھ ڏينهن اڳ به اتحاد ٽائون ۾ رينجر جي چئن اهلڪارن کي شهيد ڪيو هو ۽ اڄ ملٽري پوليس تي فائرنگ ڪري ٻن جوانن کي شهيد ڪري ڇڏيو آهي. جنهن جي جيتري به مذمت ڪئي وڃي اها گهٽ آهي. رابطا ڪميٽي آرمي چيف جنرل راحيل شريف، ڪورڪمانڊر ڪراچي جنرل نويد مختيار ۽ ڊي جي رينجر بلال اڪبر ۽ سموري فوجي قيادت سان دلي تعزيت ۽ همدردي جو اظهار ڪيو ۽ دعا ڪئي ته الله تعالٰي شهيد ٿيندڙ اهلڪارن کي جنت الفردوس ۾ اعلٰي مقام عطا فرمائي ۽ سوگوار پونئرن کي اهو صدمو برداشت ڪرڻ جو حوصلو عطا فرمائي. آمين.