ڪي ڪي ايف جي طرفان زلزلي متاثرن جي لاءِ ڪروڙين روپين جي امدادي سامان جا 5 ڪنٽينر روانا ڪيا ويا

ڪراچي: پهرين نومبر 2015

ڪي ڪي ايف جي طرفان پنجن ڪنٽينرن تي ٻڌل امدادي سامان جي  پهرين کيپ پشاور جلوزئي PDMA  جي ڪيمپ روانا ڪئي وئي. امدادي سامان ۾ اٽو،  چانور، گيھھ، تيل، سکل کير، چانهن جي پتي، صابڻ، داليون، ڪمبل، گدا، پاڻي جا ڪولر، منرل واٽر جون بوتلون، دوائون ۽ ٻيون شيون شامل آهن. ان موقعي تي ميڊيا کي پريس بريفنگ ڏيندي ڪي ڪي ايف جي ٽرسٽي ارشد وهره چيو ته ڪي ڪي ايف جي طرفان زلزلي متاثرن جي لاءِ امدادي سامان جي پهرين کيپ 5 ڪنٽينرن تي ٻڌل پشاور جلوزئي PDMA  جي امدادي ڪميپ ڏانهن روانا ڪئي پئي وڃي. جنهن ۾ 5 ڪروڙن جو امدادي سامان آهي. انهن چيو ته تقريبن 5 ڪروڙن جو ئي سامان ڪراچي ۽ سڄي ملڪ جي امدادي ڪيمپن تي موجود آهي. جيڪو روزانو جي بنياد تي روانو ڪيو ويندو . انهن چيو  ته ڪي ڪي ايف گذريل زلزلي ۾ به 3 ارب کان وڌيڪ جي امداد پنهنجن زلزلي متاثره ڀائرن کي پهچائي هئي ۽ هن ڀيري به پنهنجن زلزلي متاثره ڀائرن کي اڪيلو نه ڇڏينداسين.انهن وڌيڪ چيو ته جيڪڏهن ضرورت پئي ته هن ڀيري به ڪي ڪي ايف جا رضاڪار زلزلي متاثره علائقن ۾ پاڻ پهچي ڪري پنهنجيون خدمتون پيش ڪندا. ان موقعي تي رابطا ڪميٽي جو ڊپٽي ڪنوينر ڪهف الورٰي، رابطا ڪميٽي ميمبر عارف خان، محترمه نسرين جليل ۽ خواجه سهيل منصور به موجود هئا.