رينجر جي هٿان ايم ڪيو ايم نارٿ ناظم آباد جي سيڪٽر انچارج عمران رفيق ، ٻين ذميوارن ۽ ڪارڪنن جي گرفتاري تي رابطا ڪميٽي جي طرفان مذمت جو اظهار.
ڪراچي؛ 26 جون 2015
متحده قومي موومينٽ جي رابطا ڪميٽي رينجر جي هٿان ايم ڪيو ايم نارٿ ناظم آباد جي سيڪٽر انچارج عمران رفيق، ايم ڪيو ايم جي ٻين ذميوارن ۽ ڪارڪنن جي گرفتارين جي سخت مذمت ڪئي آهي. پنهنجي هڪ بيان ۾ رابطا ڪميٽي چيو ته رينجر گذريل ڏينهن سخي حسن جي علائقي کان نارٿ ناظم آباد جي سيڪٽر انچارج عمران رفيق کي انهن جي گهر کان گرفتار ڪري ورتو جڏهن ته انهن جي خلاف ڪوئي به مقدمو درج نه آهي. اهڙي طرح اڄ رينجر سنڌ سيڪريٽريٽ جي ويجهو ايم ڪيو ايم برنس روڊ جي سيڪٽر ميمبر محمد فيصل کي به گرفتار ڪري ورتو. رابطا ڪميٽي چيو ته گذريل ڏينهن قصبه علي ڳڙھ سيڪٽر يونٽ 131 جي ڪارڪن نفيس احمد کي به سي آئي ڊي پوليس گرفتار ڪري ورتو هو، جڏهن ته عوامي رابطا مهم جي دوران رنڇوڙ لائين سيڪٽر يونٽ يوسي 3 اي جي ڪارڪنن راحيل ۽ مسلم کي به گرفتار ڪيو ويو آهي. رابطا ڪميٽي چيو ته انهن مان ڪنهن کي به عدالت ۾ پيش نه ڪيو ويو آهي. رابطا ڪميٽي چيو ته ڪراچي جي مختلف علائقن ۾ طالبان ۽ ٻين پابندي وڌل تنظيمن جا دهشت گرد آزادانه طور تي ڪاروائيون ڪري رهيا آهن پر انهن کي روڪڻ وارو ڪوئي به نه آهي ، پر ايم ڪيو ايم جي ته سياسي سرگرمين تي به پابندي عائد ڪئي وئي آهي ۽ ڪرمنلائيزيشن پاليسي جي تحت ايم ڪيو ايم جي ڪارڪنن کي خطرناڪ ڏوهاري ۽ دهشت گرد بڻائي ڪري پيش ڪيو پيو وڃي. رابطا ڪميٽي حڪومت کان مطالبو ڪيو ته ڇاپن ۽ گرفتارين جو اهو سلسلو بند ڪرايو وڃي ۽ سيڪٽر انچارج عمران رفيق ۽ ٻين گرفتار ٿيل ڪارڪنن کي فوري طور تي رها ڪرايو وڃي. رابطا ڪميٽي انساني حقن جي تنظيمن کي به اپيل ڪئي ته اهي به ڪراچي ۾ انساني حقن جي خلاف ورزين جو نوٽس وٺن ۽ ان جي خلاف آواز بلند ڪن.