ايم ڪيو ايم جي قائد جناب الطاف حسين سنڌ جي عوام دشمن بجيٽ جي خلاف پرامن هڙتال ڪرڻ تي عوام جو ٿورو مڃيو.
سنڌ جو بجيٽ شهري ۽ ٻهراڙي وارن ماڻهن جي وچ ۾ دوريون پيدا ڪرڻ جو سبب بڻجندو.قائد تحريڪ جناب الطاف حسين.
لنڊن؛ 14 جون 2015
متحده قومي موومينٽ جي قائد جناب الطاف حسين سنڌ حڪومت جي طرفان پيش ڪيل عوام دشمن بجيٽ جي خلاف پرامن هڙتال ڪرڻ تي عوام جو ٿورو مڃيندي فرمايو آهي ته سنڌ دشمن بجيٽ جي خلاف واپارين، صنعتڪارن، ٽرانسپورٽرن ۽ زندگي جي ٻين شعبن سان تعلق رکڻ وارن ماڻهن رضاڪارانه طور تي پنهنجيون سرگرميون بند رکي ڪري ايم ڪيو ايم سان ڀرپور تعاون ڪيو آهي. پنهنجي هڪ بيان ۾ انهن فرمايو ته ڪراچي سميت پوري سنڌ ۾ بجيٽ جي خلاف پرامن هڙتال سان ثابت ٿي ويو آهي ته عوام ان بجيٽ کي رڌ ڪري ڇڏيو آهي. انهن وڌيڪ فرمايو ته سنڌ جو بجيٽ شهري ۽ ٻهراڙي وارن ماڻهن جي وچ ۾ دوريون پيدا ڪرڻ جو سبب بڻجندو، جڏهن ته ايم ڪيو ايم سنڌ جي مستقل ماڻهن جي وچ ۾ اتحاد ۽ ڀائيڇارو چاهي ٿي ۽ ان جي لاءِ اها عملي جدوجهد به ڪري رهي آهي. انهن فرمايو ته ايم ڪيو ايم سنڌ جي عوام دشمن بجيٽ جي ذريعي شهري ۽ ٻهراڙي وارن ماڻهن جي وچ ۾ دوريون هرگز به پيدا ٿيڻ نه ڏيندي ۽ ان جي خلاف هر سطح تي آواز بلندي ڪندي رهندي.