رڪاوٽون هٽائڻ جي الٽيميٽم جو مدو پورو ٿيڻ جي باوجود رينجر نه ته رڪاوٽن کي ختم ڪيو ۽ نه ئي ڪنهن سياسي جماعت جي آفيس تي ڇاپو هنيو. ايم ڪيو ايم رابطا ڪميٽي لنڊن جي ميمبرن جو بيان.
لنڊن؛ 24 مارچ 2015
متحده قومي موومينٽ جي رابطا ڪميٽي لنڊن جي ميمبرن پنهنجي هڪ بيان ۾ قوم جي هڪ هڪ ماڻهو کي مخاطب ڪندي چيو آهي ته جنهن انداز ۾ سنڌ ۾ رينجر جي آفيسرن ۽ جوانن غريبن جي واحد نمائنده جماعت ايم ڪيو ايم جي قائد جناب الطاف حسين جي گهر تي ڇاپو هنيو هو ۽ ڏيڍھ سو جي لڳ ڀڳ پاڙي وارن ۽ نائن زيرو جي مختلف شعبن ۾ ڪم ڪندڙ ڪارڪنن کي گرفتار ڪري ورتو هو.ان کان پوءِ رينجر اعلان ڪيو هو ته سمورن هنڌن کان نه صرف رڪاوٽون هٽايون وينديون بلڪه ڇاپا هڻڻ جو اهو عمل به بغير ڪنهن فرق جي سياسي جماعتن جي خلاف جاري رهندو. رابطا ڪميٽي چيو ته شهر جي مختلف پاڙن جي رهاڪن کي رڪاوٽون ختم ڪرڻ خصوصن سياسي جماعتن جي مرڪزي آفيسن تي بيهاريل رڪاوٽن ۽ بيريئرن کي هٽائڻ جي لاءِ ڏنل الٽيميٽم جو مدو رات 12 هين وڳي يعني 23 مارچ جي رات ختم ٿي ويو. قوم جو ٻچو ٻچو ۽ هر عقل وارو حيرت زده آهي ته مدو ختم ٿيڻ جي باوجود رينجر ڪنهن به هنڌ تي رڪاوٽن ۽ بيريئرن کي نه ته ختم ڪيو ۽ نه ئي ڪنهن سياسي جماعت جي آفيس تي ڇاپو هنيو . رابطا ڪميٽي چيو ته عوام رينجر جي ٻٺي معيار تي مايوس ۽ غم زده ٿي ويا آهن ۽ هڪ ٻئي کان سوال پڇي رهيا آهن ته رينجر جو اهو دعوٰي ته بغير ڪنهن فرق جي ڪاروائي ٿيندي، ڇا اهو صرف هڪ نعرو هو؟