ڪشمور ۾ مسافر ڪوچ ۽ ٽرالر جي وچ ۾ ٽڪر ٿيڻ جي نتيجي ۾ عورتن ۽ ٻارن سميت ڪيترن ئي ماڻهن جي هلاڪ ۽ زخمي ٿيڻ تي قائد تحريڪ جناب الطاف حسين جي طرفان افسوس جو اظهار.
لنڊن؛ 21 جنوري 2015
متحده قومي موومينٽ جي قائد جناب الطاف حسين ڪشمور ۾ ڪراچي کان پشاور ويندڙ ڪوچ ۽ ٽرالر جي وچ ۾ ٽڪر ٿيڻ جي نتيجي ۾ عورتن ۽ ٻارن سميت ڪيترن ئي ماڻهن جي هلاڪ ۽ زخمي ٿيڻ تي وڏي ڏک ۽ افسوس جو اظهار ڪيو آهي. پنهنجي هڪ بيان ۾ جناب الطاف حسين هلاڪ ٿيندڙ ماڻهن جي سوگوار پونئرن سان دلي تعزيت ۽ همدردي جو اظهار ڪندي انهن کي صبر جي تلقين ڪئي ۽ فرمايو ته مون سميت ايم ڪيو ايم جا تمام ڪارڪن اوهان جي ڏک ۾ برابر جا شريڪ آهن. انهن دعا فرمائي ته الله تعالٰي هلاڪ ٿيندڙن کي پنهنجي جوار رحمت ۾ اعلٰي مقام عطا فرمائي ۽ زخمي ٿيندڙن کي جلد و مڪمل صحتيابي عطا فرمائي.آمين.جناب الطاف حسين وڌيڪ فرمايو ته روڊ حادثا روز جو معمول بڻجي چڪا آهن جنهن جي ڪري ڪيترائي ماڻهو هلاڪ ۽ زخمي ٿي وڃن ٿا، پر انهن حادثن جي روڪٿام جي لاءِ حڪومتي سطح تي ڪي به قدم نه کنيا ويا آهن. انهن حڪومت کان مطالبو ڪيو ته روڊ حادثن جي روڪٿام جي لاءِ ۽ عوام جي جان و مال جي تحفظ جي لاءِ ٺوس بنيادن تي قدم کنيا وڃن.