ايم ڪيو ايم جا 35 ڪارڪن ماورائي عدالت شهيد ڪيا ويا آهن ۽ درجنين ڪارڪن هن مهل تائين لاپتا آهن. ايم ڪيو ايم رابطا ڪميٽي.
غلام قادر ٿيٻو جو ايم ڪيو ايم جي متعلق بيان حقيقتن تي پردو وجهڻ جي ڪوشش آهي.جنهن جي اسان سخت ترين لفظن ۾ مذمت ڪريون ٿا.رابطا ڪميٽي.
ڪراچي؛ 27 جنوري 2015
متحده قومي موومينٽ جي رابطا ڪميٽي چيو آهي ته ايم ڪيو ايم جي 35 ڪارڪن کي ساده لباس ۾ ملبوس اهلڪارن ماورائي عدالت شهيد ڪيو آهي ۽ جڏهن ته درجنين ڪارڪن هن مهل تائين لاپتا آهن.رابطا ڪميٽي ايڊيشنل آئي جي سنڌ پوليس غلام قادر ٿيٻو جي طرفان ڏنل انٽرويو ۾ ايم ڪيو ايم جي متعلق ڏنل بيان جي سخت ترين لفظن ۾ مذمت ڪندي چيو ته غلام قادر ٿيٻو جو اهو بيان حقيقتن کي ميٽڻ جي ڪوشش آهي. رابطا ڪميٽي چيو ته گذريل پوين ڏينهن ۾ ايم ڪيو ايم ملير سيڪٽر جي ڪارڪن سيد فراز عالم کي رشوت نه ڏيڻ تي پوليس بدترين تشدد جو نشانو بڻائي ڪري شهيد ڪري ڇڏيو هو، رابطا ڪميٽي چيو ته ايم ڪيو ايم گذريل 36 سالن کان ملڪ جي مظلوم ۽ محروم عوام جي واحد نمائنده جماعت آهي پر غلام قادر ٿيٻو جي طرفان ايم ڪيو ايم ۾ گروپ بندين جو الزام لڳائي ڪري پوليس جي ڏوهن تي پردو وجهڻ جي ڪوشش ڪئي وئي آهي. رابطا ڪميٽي چيو ته ڪراچي ۾ پوليس ايم ڪيو ايم جي بي گناھ ڪارڪنن کي اردو ڳالهائڻ جي بنياد تي گرفتار ڪري بدترين تشدد جو نشانو بڻائي ٿي ۽ پوءِ انهن جي گهرن وارن کان وڏي رشوت طلب ڪري ٿي ۽ نه ڏيڻ تي انهن کي ماورائي عدالت قتل ڪري ڇڏي ٿي ۽ پوءِ انهن جو لاشون ويرانن ۾ اڇلائي ڇڏي ٿي. رابطا ڪميٽي وڌيڪ چيو ته ايم ڪيو ايم جي سوين ڪارڪنن کي پوليس رشوت وٺي ڪري ڇڏيو آهي.