ايم ڪيو ايم جي قائد جناب الطاف حسين ڪارڪنن جي تمام گهڻي اصرار ۽ درخواست تي تحريڪ جي قيادت کان دستبرداري جو فيصلو واپس وٺي ڇڏيو.
لنڊن؛ 29 جنوري 2015
متحده قومي موومينٽ جي قائد جناب الطاف حسين نائن زيرو ۽ حيدرآباد ۾ جمع ٿيندڙ ڪارڪنن جي تمام گهڻي اصرار ۽ درخواست تي تحريڪ جي قيادت کان دستبرداري جو فيصلو واپس وٺي ڇڏيو. جناب الطاف حسين جي طرفان ته جمعي تي مان حيدرآباد ۾ پنهنجو آخري خطاب ڪندس، جو ٻڌي ڪري نائن زيرو ۽ حيدرآباد ۾ ڪارڪن هزارن جي تعداد ۾ جمع ٿي ويا. جناب الطاف حسين پنهنجي خطاب ۾ جڏهن ان ڳالھ کي ورجايو ته اسٽيبلشمينٽ مون کي قبول ڪرڻ جي لاءِ تيار نه آهي ۽ منهنجي ڪارڪنن کي ماريو پيو وڃي ان جي ڪري مان وڏي سوچ ۽ ويچار کان پوءِ فيصلو ڪيو آهي ته مان ايم ڪيو ايم جي قيادت کان دستبردار ٿي وڃان ۽ جمعي تي حيدرآباد ۾ پنهنجو آخري خطاب ڪري رخصت ٿي وڃان. جناب الطاف حسين جي اها ڳالھ ٻڌي ڪري ڪارڪن جذباتي ٿي ويا ۽ روئڻ لڳا ۽ اٿي بيهي ڪري نامنظور نامنظور جا نعرا لڳائيندا رهيا ۽ جناب الطاف حسين کان فيصلو واپس وٺڻ جو اصرار ڪندا رهيا.اهو سلسلو ٻن ڪلاڪن کان وڌيڪ جاري رهيو. آخر ڪار ڪارڪنن جي پرزور اصرار ۽ درخواست تي جناب الطاف حسين اهو چئي ڪري قيادت کان دستبرداري جو فيصلو واپس وٺي ڇڏيو ته ساٿيو، خوش ٿي وڃو مان اوهان سان گڏ هلندس ۽ اوهان کي ڇڏي ڪري نه ويندس. جناب الطاف حسين جي اها ڳالھ ٻڌي ڪري سمورن ڪارڪنن ۾ زبردست جوش و خروش پيدا ٿي ويو ۽ اٿي بيهي ڪري زوردار نعرا هڻي ڪري انهن ان فيصلي جو زبردست خيرمقدم ڪيو.