متحده قومي موومينٽ جي طرفان ٿر جي ڏڪار سٽيل علائقن ۾ ٽئين ڏينهن به ڇاڇرو ۽ مٺي ۾ ميڊيڪل و امدادي ڪيمپ قائم ڪيو ويو.
امدادي ڪيمپ تي درجنين مستحق خاندانن ۾ راشن جا ٿيلا ، پيئڻ جو صاف پاڻي ،واٽر ڪولر ۽ ٻيون ضروري شيون تقسيم ڪيون ويون.
ٿر؛11 نومبر2014
ايم ڪيو ايم جي قائد جناب الطاف حسين جي هدايت تي ٿر ۾ امدادي سرگرمين جي ٽئين ڏينهن به ٿر جي تعلقن ڇاڇرو ۽ مٺي ۾ ميڊيڪل ۽ امدادي ڪيمپ قائم ڪيا ويا. جتي ڪي ڪي ايف جي ڊاڪٽرن سوين مريضن جو معائنو ڪري انهن کي دوائون فراهم ڪيون ۽ وبائي مرضن کان بچڻ جي لاءِ ضرروي مشورا به ڏنا. ان کان علاوه امدادي ڪيمپ تي راشن جا ٿيلا جن ۾ اٽو، چانور، کير، دالون،گيھ، تيل، لوڻ ، مرچ ، چانھ جي پتي ۽ ٻيون ضروري شيون انهن ۾ ورهايون . ان موقعي تي ايم ڪيو ايم جي وفد ميڊيڪل ۽ امدادي ڪيمپن جو دورو به ڪيو ۽ اتي موجود ميڊيڪل ايڊ ڪميٽي جي ڊاڪٽرن ۽ پيراميڊيڪل جي اسٽاف سان ملاقات ڪئي.وفد ۾ رابطا ڪميٽي ميمبر عبدالحسيب، اشفاق منگي، افتخار اڪبر رنڌاوا ۽ ٻيا به شامل هئا.وفد متاثرن سان ملاقات ڪري انهن کي هر ممڪن تعاون جو يقين ڏياريو. ان موقعي تي طبي ۽ امدادي سامان فراهم ڪرڻ تي متاثرن جناب الطاف حسين جو شڪريو ادا ڪندي انهن جي لاءِ وڏي عمر ۽ صحت و تندرستي جي لاءِ خصوصي دعائون به ڪيون.