ميرپور خاص ۾ ڪار تي فائرنگ جي نتيجي ۾ ڪجھ ماڻهن جي هلاڪت تي جناب الطاف حسين جي طرفان مذمت جو اظهار.
لنڊن؛2 نومبر2014
متحده قومي موومينٽ جي قائد جناب الطاف حسين ميرپورخاص ۾ هٿيار بند دهشت گردن جي طرفان ڪار تي فائرنگ جي نتيجي ۾ ڪجھ ماڻهن جي هلاڪ ٿيڻ جي سخت ترين لفظن ۾ مذمت ڪئي آهي ۽ هلاڪ ٿيندڙ ماڻهن جي پونئرن سان دلي تعزيت ۽ همدردي جو اظهار ڪيو آهي.پنهنجي هڪ تعزيتي بيان ۾ جناب الطاف حسين فرمايو ته دهشت گردن محرم شريف ۾ ڪار تي فائرنگ ڪري فرقي وارانه فسادن جي باھ ڀڙڪائڻ جي هڪ وڏي سازش ڪئي آهي.انهن فرمايو ته هڪ سازش جي تحت ميرپورخاص، ڪراچي ۽ سنڌ جي ٻين شهرن ۾ اچانڪ فرقي وارانه ٽارگيٽ ڪلنگ شروع ڪئي وئي آهي جيڪا سڄي ملڪ جي لاءِ ڳڻتي واري ڳالھ آهي.جناب الطاف حسين صدر ممنون حسين، وزير اعظم ميان نواز شريف، وفاقي وزير داخله ۽ وزير اعلٰي سنڌ کان مطالبو ڪيو ته اهي ان فائرنگ جي واقعي جو نوٽس وٺن ۽ دهشت گردن کي گرفتار ڪري انهن کي قانون جي مطابق سخت ترين سزا ڏني وڃي. جناب الطاف حسين ان واقعي ۾ ٽن ماڻهن جي هلاڪت تي تمام سوگوار پونئرن سان دلي تعزيت جو اظهار ڪيو ۽ زخمين جي جلد و مڪمل صحتيابي لاءِ دعا به ڪئي.