ايم ڪيو ايم جي زير اهتمام سانحه 31 آڪٽوبر 1986 جي شهيدن جي 28 هين ورسي سڄي ملڪ ۾ انتهائي عقيدت ۽ احترام سان ملهائي وئي.
ان سلسلي جو مرڪزي پروگرام نائن زيرو تي لعل قلعه گرائونڊ ۾ منعقد ٿيو.
ڪراچي؛31 آڪٽوبر2014
متحده قومي موومينٽ جي زير اهتمام سانحه 31 آڪٽوبر1986 جي شهيدن جي 28 هين ورسي سڄي ملڪ ۾ انتهائي عقيدت ۽ احترام سان ملهائي وئي.ان سلسلي ۾ سڄي ملڪ ۾ قائم ايم ڪيو ايم جي زونل آفيسن ۾ قرآن خواني ۽ فاتحه خواني جا اجتماع منعقد ڪيا ويا.ان سلسلي جو مرڪزي اجتماع نائن زيرو تي لعل قلعه گرائونڊ ۾ منعقد ٿيو.جنهن ۾ رابطا ڪميٽي جي ڊپٽي ڪنوينر ڊاڪٽر خالد مقبول صديقي، رابطا ڪميٽي ميمبرن، سينيٽرن، قومي ۽ صوبائي اسيمبلين جي ميمبرن، شعبن جي ذميوارن، سيڪٽر و يونٽ ڪميٽين جي ذميوارن، ڪارڪنن ۽ همدردن وڏي تعداد ۾ شرڪت ڪئي.ان موقعي تي مولانا تنوير الحق ٿانوي دعا ڪرائي جنهن ۾ سانحه 31 آڪٽوبر جي شهيدن سميت تمام شهيدن جي مغفرت،انهن جي درجات جي بلندي،ملڪ جي بقا و سلامتي، محرم شريف ۾ امن و امان جي قيام، دهشت گردي ۽ فرقي واريت جي خاتمي سميت قائد تحريڪ جناب الطاف حسين جي وڏي عمر ۽ صحت و تندرستي جي لاءِ خصوصي دعائون ڪيون ويون.ڪراچي وانگر اندورن سنڌ جي زونل آفيسن حيدرآباد، ميرپورخاص، سکر، نواب شاھ، ٽنڊو الهيار، ڄامشورو، سانگهڙ، ٺٽي، بدين، دادو، ڪشمور، خيرپور، عمر ڪوٽ، قمبر شهداد ڪوٽ، شڪارپور، لاڙڪاڻي، گهوٽڪي، نوشهرو فيروز ۽ جيڪب کان علاوه پنجاب، بلوچستان، خيبرپختونخواھ ۽ آزاد ڪشمير ۾ به ايم ڪيو ايم جي زونل آفيسن ۾قرآن خواني و فاتحه خواني جا اجتماع منعقد ٿيا جن ۾ شهيدن جي لاءِ دعائون ڪيون ويون.