عبدالستار ايڌي جي رهائشگاھ ۽ ايڌي سينٽر ۾ ڌاڙي جي وارڌات تي ايم ڪيو ايم جي رابطا ڪميٽي جي طرفان مذمت جو اظهار.
ڪراچي؛ 19 آڪٽوبر 2014
متحده قومي موومينٽ جي رابطا ڪميٽي بين الاقوامي سماجي رهنما جي رهائشگاھ ۽ ايڌي سينٽر ۾ ڌاڙي جي وارڌات جي سخت ترين لفظن ۾ مذمت ڪئي آهي ۽ چيو آهي ته ڌاڙي جي ان وارڌات قانون نافذ ڪرڻ وارن ادارن جي ڪارڪردگي جو هڪ ڀيرو وري پول کولي ڇڏيو آهي.پنهنجي هڪ بيان ۾ رابطا ڪميٽي چيو ته ميٺا در کارا در ۾ ايڌي سينٽر ۽ عبدالستار ايڌي جي رهائشگاھ تي چورن جي طرفان وڏي دليري سان وارڌات ڪرڻ ۽ انهن جي اسٽاف کي يرغمال بڻائي ڪري ڪروڙين روپيا ۽ ڪروڙن جو سون لٽي ڪري آرام سان فرار ٿيڻ قانون نافذ ڪرڻ وارن ادارن جي ڪارڪردگي تي هڪ وڏو سواليه نشان آهي. رابطا ڪميٽي چيو ته شهر ۾ جڏهن عبدالستارايڌي جهڙي بين الاقوامي سماجي شخصيت ۽ انهن جو ادارو محفوظ نه آهي ته عام شهرين جي جان و مال جي تحفظ جو اندازو هر شخص چڱي نموني لڳائي سگهي ٿو.رابطا ڪميٽي عبدالستار ايڌي ۽ انهن جي اسٽاف سان دلي همدردي جو اظهار ڪندي چيو ته ان وارڌات ۾ جيڪي به ڏوهاري عناصر ملوث آهن اهي ڏکايل انسانيت جي خدمت جي جذبي کان بلڪل عاري آهن. رابطا ڪميٽي گورنر سنڌ داڪٽر عشرت العباد ۽ وزير اعلٰي سنڌ سيد قائم علي شاھ کان مطالبو ڪيو ته اهي ان وارڌات ۾ ملوث ڏوهارين کي گرفتار ڪيو وڃي ۽ شهرين جي جان و مال جي تحفظ کي يقيني بڻايو وڃي.