چیف آف آرمی اسٹاف جنرل حافظ عاصم منیر صاحب! سربراہانِ مسلح افواج ! کورکمانڈرصاحبان! آپریشنل کمانڈرصاحبان! کو کھلا خط

جیساکہ پاکستان کی مسلح افواج خصوصا پاکستان آرمی کے تمام سربراہان اوراہم شخصیات کے علم میں یہ اہم بات آچکی ہوگی کہ آج یعنی جمعرات کی صبح خیبرپختونخواکے جنوبی ضلع لکی مروت میں مسلح افراد نے پاکستان اٹامک انرجی کمیشن کے 18ملازمین کوبشمول ڈرائیور اغواکرلیا ہے اورجس گاڑی میں یہ ملازمین جارہے تھے اسے مسلح افراد نے آگ لگادی اوراغواکئے جانے والے تمام ملازمین کواپنے ساتھ نامعلوم مقام پر لے گئے ۔ 

میں آپ تمام مسلح افواج کے سربراہان اورآرمی کی قیادت سے مدبانہ عرض کرناچاہوں گا کہ ملک میں جگہ جگہ فوجیوں اورفوجی تنصیبات پر روزانہ ہی کی بنیاد پر حملے ہورہے ہیں جبکہ افسوس کہ فوج کے اعلی عہدوں پر فائز شخصیات ملک کے دفاع پر توجہ دینے کے بجائے مسلسل سیاسی اکھاڑ پچھاڑ میں مصروف ہیں۔ جبکہ دوسری طرف وہ فوج کے حاضر سروس اورریٹائرڈ جرنیلوں اوراعلی افسران کو ملکی سلامتی کی ذمہ داریوں پر لگانے کے بجائے سول اداروں میں فائز اورمسلط کرنے میں مستقل طورپرمصروف ہیں جوکہ ملک کی بقا  وسلامتی کے لئے انتہائی مہلک و تباہ کن ثابت ہوسکتاہے ۔ 

میں مسلح افواج کی تمام اہم اورذمہ دار شخصیات سے پرزورمطالبہ کرتاہوں کہ خدارا جتنی جلدی ممکن ہو اتنی جلدی فوج کواپنی آئینی حدود میں واپس لے جانے کافی الفور اعلان کریں کیونکہ فوج کی سیاست اورسول معاملات میں مداخلت کے عمل سے فوج کے خلاف عوام میں پائے جانے والی نفرت دن بدن  شدید سے شدید ترہوتی جارہی ہے ۔لہذا اب فوج کوہمیشہ ہمیشہ کے لئے توبہ کرلینی چاہیے کہ فوج اب کبھی سیاست میں حصہ نہیں لے گی۔ 

میں یہ بھی مطالبہ کرتاہوں کہ پاکستان اٹامک انرجی کمیشن کے اغواکئے جانے والے ملازمین کی فی الفور بحفاظت واپسی کے لئے ٹھوس اورمثراقدامات کئے جائیں ، تمام لاپتہ اورگرفتارکئے گئے سیاسی رہنماں اورکارکنوں کو فی الفور رہاکیاجائے ۔ فوج کی جانب سے یہ مثبت اقدامات ہی عوا م میں فوج کے لئے نیک خیالات اورمثبت جذبات پید ا کرنے کا سبب بن سکتے ہیں۔